مغربی مدنی پور، 13 جولائی(ہ س)۔اتوار کو ضلع میں الگ الگ سڑک حادثوں، زہریلی گیس اور قومی شاہراہ پر گائے کی موت کو لے کر پر احتجاج کے واقعات سامنے آئی ہیں۔ ان واقعات میں مجموعی طور پر پانچ افراد ہلاک اور متعدد زخمی ہوئے ہیں۔

ضلع کے نارائن گڑھ تھانہ علاقہ کے کسم پور علاقے میں پوکتا پول۔ دشگرام دیہات سڑک پر اتوار کو موٹر سائیکل اور مال بردار ٹریکٹر ٹرالی کے درمیان آمنے سامنے کی ٹکر میں سبنگ تھانہ علاقے کے ڈاڈرا گاوں رہائشی پرشانت پاڑی کی جائے حادثہ پر ہی موت ہوگئی۔ حادثے میں موٹر سائیکل پر سوار ایک اور شخص اورٹریکٹرٹرالی کا ڈرائیور زخمی ہو گئے۔ اطلاع ملنے پر پولیس نے زخمیوں کو مکرم پور پرائمری ہیلتھ سینٹر میں داخل کرایا اور حادثہ کاشکار گاڑیوں کو ضبط کر لیا۔دریں اثنا چندرکونا۔2 ترقیاتی بلاک کے کرشنا پور علاقے کے گویاڈانگا گاوں میں ایک گھر کے بیت الخلا کے چیمبر میں کام کرتے ہوئے ایک باپ اور بیٹے کی زہریلی گیس کی زد میں آنے کی وجہ سے موت ہو گئی۔ واقعے میں دو دیگر افراد بھی بیمار ہو گئے جنہیں علاج کے لیے ہسپتال میں داخل کرایا گیا ہے۔ پولیس نے لاشوں کو پوسٹ مارٹم کے لیے بھیج دیا ہے اور معاملے کی تحقیقات شروع کر دی ہیں۔ ابتدائی اندازوں کے مطابق چیمبر میں جمع ہونے والی زہریلی گیس حادثے کی وجہ بنی۔وہیں دانتن کے گھولائی موڑ قومی شاہراہ نمبر 16 پر تیز رفتار بھاری گاڑی سے ٹکرانے سے ایک گائے کی موت ہو گئی۔ بجرنگ دل کے کارکنوں نے واقعے کے خلاف احتجاج میں شاہراہ کو بلاک کر دیا۔ ناکہ بندی کی وجہ سے کچھ دیر تک ٹریفک متاثر رہی۔ اطلاع ملنے پر دانتن پولیس موقع پر پہنچی اور مظاہرین سے بات چیت کے بعد صورتحال پر قابو پالیا۔ مقامی لوگوں نے شاہراہ پر بھاری گاڑیوں کی رفتار پر قابو پانے کا مطالبہ کیا ہے۔

ہندوستھان سماچار

ہندوستان سماچار / Mohammad Khan