گروگرام، 12 جولائی (ہ س)۔

ہندوستانی نژاد امریکی پنجابی گلوکارہ جیسمین سینڈلس نے اپنے دی ڈریم گرل انڈیا ٹور کے دوران ایک لائیو کنسرٹ میں اپنی منگنی کا اعلان کرکے مداحوں کو حیران کردیا۔ اس نے اپنے منگیتر شیکھر چودھری کو سٹیج سے بلایا اور اسے اپنی منگنی کی انگوٹھی دکھا کر عوامی طور پر اپنے تعلقات کی تصدیق کی۔

کنسرٹ کے دوران جیسمین نے کہا کہ یہ میرے چودھری صاحب ہیں، انہوں نے ہی اس انگلی میں انگوٹھی پہنائی تھی۔ اس کے بعد شیکھر چودھری اسٹیج پر پہنچے، جہاں حاضرین نے تالیوں اور سیٹیوں سے ان کا استقبال کیا۔ جیسمین نے اپنی منگنی کی انگوٹھی دکھائی اور شیکھر کو گلے لگا لیا۔

اس کے بعد دونوں نے جیسمین کے مقبول گانے لاوان کا رومانوی گانا پیش کیا۔ جیسمین نے اس موقع پر بھاری کڑھائی والا سنہری لہنگا اور روایتی زیورات پہنے ہوئے تھے۔

غور طلب ہے کہ جیسمین سینڈلس اس سے قبل پنجابی گلوکار گیری سندھو کے ساتھ اپنے رشتے کو لے کر خبروں میں رہی ہیں۔ جالندھر میں پیدا ہوئی اور کیلیفورنیا میں پرورش پانے والی جیسمین نے اپنے میوزک کیریئر کا آغاز مسکان سے کیاتھا۔ انہوں نے فلم کک کے گانے یار نا ملے کے ساتھ بالی ووڈ پلے بیک سنگنگ میں پہچان حاصل کی اور انہیں بہترین خاتون پلے بیک سنگر کا ایوارڈ بھی ملا۔

ہندوستھان سماچار

ہندوستان سماچار / عطاءاللہ