گروگرام، 12 جولائی (ہ س)۔

مرکزی وزیر مملکت برائے قانون و انصاف ارجن رام میگھوال نے کہا کہ آج صرف ایک نئی عدالتی عمارت کا افتتاح نہیں ہے بلکہ نظام انصاف کو مزید قابل رسائی، موثر اور شہریوں پر مبنی بنانے کے اجتماعی عزم میں ایک اہم سنگ میل ہے۔

وہ اتوار کو گروگرام میں ٹاور آف جسٹس کی افتتاحی تقریب سے خطاب کر رہے تھے۔

انہوں نے کہا کہ گروگرام میں ٹاور آف جسٹس جدید جوڈیشل انفراسٹرکچر کی ایک بہترین مثال ہے، جو ایگزیکٹو اور عدلیہ کی مربوط کوششوں کا نتیجہ ہے۔ انہوں نے کہا کہ مرکزی حکومت عدالتی اصلاحات کو تیز کرنے کے لیے ماتحت عدالتوں کے بنیادی ڈھانچے کو مسلسل مضبوط کر رہی ہے۔ عدالتی عمل کو ای کورٹس، ای فائلنگ، ای پراسیکیوشن، ای جیلوں، ای فرانزکس، ای سروس سینٹرز، ڈیجیٹل ادائیگیوں اور قومی عدالتی ڈیجیٹل نظام کے ذریعے آسان، محفوظ اور تیز کیا جا رہا ہے۔ انہوں نے یقین ظاہر کیا کہ یہ کمپلیکس ایک ترقی یافتہ، جامع اور انصاف پسند ہندوستان کے عزم کی ایک طاقتور علامت بن جائے گا۔

ہندوستھان سماچار

ہندوستان سماچار / عطاءاللہ