نئی دہلی،12جولائی (ہ س )۔

جنوبی افریقہ کے نوجوان فٹبالر جیڈن ایڈمس 25 سال کی عمر میں انتقال کر گئے، ان کے اچانک انتقال کی خبر نے جنوبی افریقہ سمیت فٹبال کی دنیا میں صدمے کی لہر دوڑا دی ہے۔ ایڈمس، جنہوں نے حال ہی میں فیفا ورلڈ کپ میں بافانا بافاناکے لیے کھیلا تھا، اپنے مداحوں، ٹیم کے ساتھیوں اور کلب کے لیے بہت بڑا صدمہ پہنچا ہے۔ ان کی موت کی وجہ ابھی تک سرکاری طور پر ظاہر نہیں کی گئی ہے۔

جیڈن ایڈمس نے کلب فٹ بال میں مامیلوڈی سن ڈاو¿نس کے لیے غیر معمولی کارکردگی کا مظاہرہ کیا۔ انہوں نے ٹیم کوسی اے ایف چیمپئنز لیگ ٹائٹل دلانے میں اہم کردار ادا کیا جس کے بعد انہیں جنوبی افریقہ کے ورلڈ کپ اسکواڈ میں شامل کیا گیا۔

ایڈمس نے ورلڈ کپ میں بھی ٹیم کے لیے اہم کردار ادا کیا۔ جنوبی افریقہ نے شاندار کارکردگی کے ساتھ ناک آو¿ٹ مرحلے میں جگہ بنائی، لیکن انجری ٹائم میں گول کرنے کے بعد راو¿نڈ آف 32 میں کینیڈا سے 1-0 سے ہار گئی۔

جیڈن ایڈمس کے سرپرست، برینڈن جانسن نے ان کے انتقال کو ان کے خاندان اور فٹ بال کمیونٹی کے لیے ایک بڑا دھچکا قرار دیا۔انہوں نے کہا کہ ورلڈ کپ سے واپسی کے بعد ایڈمس نئے سیزن اور اپنے کیرئیر کے حوالے سے بہت پرجوش تھے۔ ان کے مطابق سی اے ایف چمپئن بننے کے بعد وہ اپنے کیریئر کے اگلے مرحلے کی تیاری کر رہے تھے۔

برینڈن جانسن نے کہا کہ انھوں نے جمعرات کو ایڈمس کے ساتھ طویل بات چیت کی۔ وہ مستقبل کے لیے مثبت منصوبہ بندی کر رہے تھے اور اپنے خاندان کے ساتھ وقت گزارنا پسند کرتے تھے۔

جیڈن ایڈمس نے ورلڈ کپ کے دوران بھی اپنے جذبے کا مظاہرہ کیا۔ ان کی دادی، ماریانا ایڈمس چیکیا کے خلاف گروپ میچ سے تقریباً دو ہفتے قبل انتقال کر گئیں۔

اس ذاتی المیے کے باوجود انہوں نے اپنے ملک کے لیے کھیلنے کا فیصلہ کیا۔ ان کی لگن اور پیشہ ورانہ مہارت کو کھیلوں کی دنیا میں بڑے پیمانے پر سراہا گیا۔

جےڈن ایڈمس کی موت کی وجہ سے متعلق ابھی تک کوئی سرکاری معلومات جاری نہیں کی گئی ہیں۔ ان کے بے وقت انتقال نے فٹ بال کی دنیا کو گہرا صدمہ پہنچایا ہے۔ اس نے اپنے مختصر لیکن متاثر کن کیریئر کے دوران جو نشان بنایا وہ فٹ بال کے شائقین کو طویل عرصے تک یاد رہے گا۔

ہندوستھان سماچار

ہندوستان سماچار / عطاءاللہ