رام چرن اور جھانوی کپور کی فلم ’پیدی‘ ریلیز کے بعد سے ہی تنازعات میں گھری ہوئی ہے۔ سامعین کے ایک گروپ نے الزام لگایا کہ فلم میں جھانوی کپور کے کردار کو غیر ضروری جنسی انداز میں پیش کیا گیا ہے۔ سوشل میڈیا پر بڑھتی ہوئی تنقید کے درمیان فلم کے ہدایت کار بوچی بابو ثناءنے اس معاملے پر عوامی معافی نامہ جاری کیا ہے۔

ہفتہ کو ایکس پر شیئر کیے گئے ایک بیان میں ہدایت کار نے کہا کہ سنیما کا مقصد تفریح اور حوصلہ افزائی کرنا ہے، نہ کہ کسی کی توہین اورذلیل کرنا ہے۔ انہوں نے اعتراف کیا کہ فلم کے کچھ مناظر پر سامعین کے اعتراضات کو سنجیدگی سے لیا گیا ہے۔ ہدایت کار نے کہا کہ ان کا کبھی بھی کسی خاتون کردار کو بری روشنی میں پیش کرنے کا ارادہ نہیں تھا اور اگر کسی نے ایسا محسوس کیا ہے تو وہ مخلصانہ طور پر معافی مانگتے ہیں۔

بوچی بابو ثناءنے یہ بھی اعلان کیا کہ فلم کے کچھ متنازعہ مناظر میں تبدیلیاں کی جائیں گی۔ انہوں نے کہا کہ سامعین کی حساسیت اور توقعات وقت کے ساتھ بدلتی ہیں، اسی طرح فلم سازوں کی ذمہ داری بھی بدلتی ہے۔ 4جون کو ریلیز ہونے والی پیدی میں رام چرن کو ایک اسپورٹس اسٹار اور کمیونٹی لیڈر کے کردار میں دکھایا گیا ہے۔ فلم میں جھانوی کپور، بومن ایرانی، شیو راج کمار، جگپتی بابو اور دیویانشو بھی اہم کرداروں میں ہیں۔

ہندوستھان سماچار

ہندوستان سماچار / Mohammad Khan