اے کے-56 رائفل اور گرینیڈ کے ساتھ الفا (آئی) کے دو کیڈر گرفتار

تنسکیا، 27 جون (ہ س)۔ آسام پولیس نے جمعہ کی دیر شام تنسکیا ضلع کے جاگون قصبے میں ایک بڑے آپریشن کے دوران ممنوعہ تنظیم ’یونائیٹڈ لبریشن فرنٹ آف آسام-انڈیپینڈنٹ‘ (الفا-آئی) کے دو مشتبہ کیڈرز کو گرفتار کیا۔ ان کی شناخت ان کے فرضی ناموں- سیون آسام اور منوج آسام کے طور پر ہوئی ہے۔

پولیس نے ان دونوں کو اس وقت پکڑا جب وہ میانمار سے اروناچل پردیش کے جیرام پور کے راستے آسام میں مبینہ طور پر داخل ہونے کے بعد ایک سوئفٹ کار (اے آر- 20 اے- 5892)) میں سفر کر رہے تھے۔ ان کی سرگرمیوں کے بارے میں ملنے والی خفیہ معلومات کی بنیاد پر، آسام پولیس نے جال بچھایا اور جاگون بازار میں دونوں کو پکڑ لیا۔

آپریشن کے دوران، پولیس نے مبینہ طور پر ان کے پاس سے دو ایکے-56 اسالٹ رائفلیں، چھ میگزین اور گرینیڈ کے ساتھ بھاری مقدار میں زندہ کارتوس برآمد کیے ہیں۔ گرفتار ارکان کو مزید پوچھ گچھ اور جانچ کے لیے تنسکیا لے جایا گیا ہے۔ دونوں سے تنسکیا تھانے میں گہرائی سے پوچھ گچھ جاری ہے۔

ہندوستھان سماچار

---------------

ہندوستان سماچار / انظر حسن