نئی دہلی، 26 جون (ہ س)۔ ایمر جنسی کے دوران ایم آئی ایس اے کے تحت پہلے قیدیسینئر صحافی، پدم بھوشن ایوارڈ یافتہ اور آئی جی این سی اے کے موجودہ صدر رام بہادر رائے نے جمعہ کو کہا کہ اس وقت کی وزیر اعظم اندرا گاندھی نے جیت کی توقع کرتے ہوئے، شیڈول سے 15 مہینے پہلے انتخابات کا اعلان کیا تھا۔ یہی غلط اندازہ بالآخر ان کی شکست اور ملک میں جمہوریت کی بحالی کا محرک بن گیا۔ رام بہادر رائے آج دہلی کے اندرا گاندھی نیشنل سینٹر فار دی آرٹس ( آئی جی این سی اے) میں ایمرجنسی کے 50 سال مکمل ہونے کے موقع پر 'پرگیہ جگیاسا' ٹرسٹ کے زیر اہتمام منعقدہ سمواد: ایمرجنسی کے سبق پروگرام سے خطاب کر رہے تھے۔ اس موقع پر کتاب *آپاتکال: اندولن اور وشواس گھات کی انترکتھا کا اجراءبھی کیا گیا۔ یہ کتاب ایمرجنسی کے دور کے بہت سے ایسے پہلوو¿ں کو سامنے لاتی ہے جو اب تک نہیں سنے گئے تھے۔ اسے سینئر صحافی اور مصنف اجے سیتیانے تحریر کیا ہے۔

رائے نے کہا کہ جب اندرا گاندھی نے آئین میں کئی من مانی ترامیم کیں اور لوک سبھا کی مدت کو دو بار بڑھایا، وہ سنگھ اور اپوزیشن کے گھیراو¿ کی حد کا اندازہ لگانے میں ناکام رہی۔ انٹیلی جنس ان پٹ سے گمراہ ہو کر یہ تجویز کیا کہ وہ جیت جائیں گی، انہون نے اپنی مدت ختم ہونے سے 15 ماہ قبل انتخابات کا اعلان کر دیا۔ اس بھرم نے بالآخر ان کی شکست اور ملک میں جمہوریت کی بحالی کی راہ ہموار کی۔

انہوں نے بتایا کہ 1975 کی 'ایمرجنسی' کے حوالے سے اہم حقائق اور اس سے قبل نامعلوم واقعات — جو ہندوستانی سیاسی تاریخ کے تاریک ترین بابوں میں سے ایک کے طور پر ریکارڈ کیے گئے — سامنے آئے ہیں۔ انہوں نے بتایا کہ کس طرح 12 جون 1975 کو تین بڑے واقعات نے ملک کی سیاست کو ہمیشہ کے لیے بدل دیا اور کس طرح راشٹریہ سویم سیوک سنگھ (آر ایس ایس) نے زیر زمین کام کرتے ہوئے اس آمریت کے خلاف مزاحمت کی قیادت کی۔

رائے نے کہا کہ 12 جون 1975 اندرا گاندھی حکومت کے لیے سنگین بدشگونی کا دن ثابت ہوا۔ اس دن تین بڑے واقعات پیش آئے: صبح 6بجے، اندرا گاندھی کے سب سے قابل اعتماد مشیر، ڈی پی۔ دھر نے آخری سانس لی۔ صبح 10 بجے، الہ آباد ہائی کورٹ کے جسٹس جگموہن لال سنہا نے ایک تاریخی فیصلہ سنایا جس میں سرکاری مشینری کے غلط استعمال کی وجہ سے اندرا گاندھی کے انتخابات کو کالعدم قرار دیا گیا تھا (خاص طور پر یشپال کپور کی بطور الیکشن ایجنٹ تقرری)؛ اور شام 4بجے، گجرات اسمبلی انتخابات کے نتائج کا اعلان کیا گیا، جس میں اندرا گاندھی کی بھرپور مہم کے باوجود کانگریس پارٹی کو کراری شکست کا سامنا کرنا پڑا۔ اس عدالتی فیصلے کے بعد اندرا گاندھی کی حمایت اور عدلیہ پر دباو ڈالنے کے لیے دہلی کے گولمیتھی چوک پر بھیڑ جمع ہونا شروع ہو گئی۔

رائے نے بتایا کہ ایڈوکیٹ نانی پالکی والا نے ہائی کورٹ کے فیصلے کے خلاف سپریم کورٹ کے تعطیلی جج جسٹس وی آر کرشن ایئرکی عدالت میں درخواست دائر کی تھی۔ 24 جون کو عدالت نے درمیانی راستہ نکالا: اندرا گاندھی وزیر اعظم رہ سکتی تھیں لیکن انہیں پارلیمنٹ میں ووٹنگ سے روک دیا گیا۔ اگلے ہی دن 25 جون کو جے پرکاش نارائن (جے پی) نے دہلی کے رام لیلا میدان میں ایک تاریخی جلسہ کیا اور اسی رات پورے ملک میں ایمرجنسی نافذ کر دی گئی۔

انہوں نے انکشاف کیا کہ ایمرجنسی نافذ کرنے کے پیچھے اندرا گاندھی کے تین واضح اور بنیادی مقاصد تھے: وزیر اعظم کا عہدہ برقرار رکھنا۔ قانونی جنگ جیتنا (اس مقصد کو حاصل کرنے کے لیے، 38ویں، 39ویں اور 40ویں آئینی ترامیم کو منظور کرنے کے لیے پارلیمنٹ کا خصوصی اجلاس بلایا گیا، جس سے وزیر اعظم کے انتخاب کو موثر طریقے سے عدالتی جانچ پڑتال سے باہر رکھا گیا) اور اپوزیشن لیڈروں کو مکمل طور پر بے اثر اور اختلافی آوازوں کو قید کرکے دبایا گیا۔

ان کے مطابق، جب 4 جولائی 1975 کو راشٹریہ سویم سیوک سنگھ (آر ایس ایس) پر پابندی لگائی گئی تو تنظیم نے اپنی قائم کردہ حکمت عملیوں کا سہارا لیا۔ پابندی سے پہلے ہی سرسنگھ چالک بالاصاحب دیورس نے تحریک کی کمان مادھو راو¿ مولے کو سونپ دی تھی۔

انہوں نے وضاحت کی کہ اپنے نام سے کام کرنے کے بجائے، سنگھ نے 'لوک سنگھرش سمیتی' (عوامی جدوجہد کمیٹی) کے بینر تلے ملک گیر زیر زمین تحریک شروع کی۔

---------------

ہندوستان سماچار / عبدالسلام صدیقی