علی گڑھ, 24 جون (ہ س)۔
ضلع پسماندہ طبقات بہبود افسر سنہری لال نے ایک پریس بیان میں بتایا ہے کہ اتر پردیش حکومت کی ہدایت کے مطابق دیگر پسماندہ طبقات (او بی سی) بشمول اقلیتی پسماندہ طبقے کے انٹرمیڈیٹ پاس بے روزگار نوجوانوں کو او لیبل اور سی سی سی کمپیوٹر ٹریننگ فراہم کی جائے گی۔
انہوں نے بتایا کہ اس تربیتی پروگرام سے فائدہ اٹھانے کے خواہشمند امیدوار محکمہ کی ویب سائٹ پر آن لائن درخواست دے سکتے ہیں۔ درخواست جمع کرانے کی آخری تاریخ 10 جولائی 2026 مقرر کی گئی ہے۔
ضلع پسماندہ طبقات بہبود افسر نے کہا کہ امیدوار آن لائن درخواست مکمل کرنے کے بعد تمام ضروری دستاویزات کے ساتھ درخواست کی ہارڈ کاپی ضلع پسماندہ طبقات بہبود افسر دفتر، کمرہ نمبر 07، وکاس بھون، علی گڑھ میں مقررہ مدت کے اندر جمع کرانا یقینی بنائیں۔
انہوں نے اہل امیدواروں سے اپیل کی کہ وہ وقت پر درخواست دے کر اس تربیتی پروگرام سے فائدہ اٹھائیں اور اپنے روزگار کے امکانات کو بہتر بنائیں۔
---------------
ہندوستان سماچار / سید کامران علی گڑھ
