بیڑ، 24 جون (ہ س) بیڑ کی خصوصی موکا عدالت نے کیج تعلقہ کے مساجوگ گاؤں میں پیش آئے سنتوش دیشمکھ قتل کیس کے ملزم وشنو چاٹے کی بری کرنے کی درخواست منگل کو مسترد کر دی۔ ملزم کے وکیل کی جانب سے عدالت میں درخواست دائر کی گئی تھی کہ اس کے موکل کے خلاف عائد الزامات بے بنیاد ہیں، لہٰذا اسے اس سنگین مقدمے سے بری کیا جائے۔

تاہم سرکاری فریق کے معاون سرکاری وکیل بالاصاحب کولہے نے عدالت میں اس درخواست کی سخت مخالفت کی۔ عدالت نے دونوں فریقوں کے دلائل اور دستیاب مواد کا جائزہ لینے کے بعد وشنو چاٹے کی بری کرنے کی درخواست نامنظور کر دی۔ اسی مقدمے کے ایک اور ملزم جے رام چاٹے نے بھی ضمانت کے لیے عدالت سے رجوع کیا ہے۔ اس کی درخواستِ ضمانت اور سنتوش دیشمکھ قتل کیس کی آئندہ باقاعدہ سماعت اب 29 جون کو ایک ساتھ کی جائے گی۔

عدالتی فیصلے کے بعد اب اس مقدمے کی آئندہ سماعت پر سب کی نظریں مرکوز ہو گئی ہیں، جہاں ضمانت کی درخواست اور مقدمے کی مزید کارروائی پر عدالت غور کرے گی۔

ہندوستھان سماچار

--------------------

ہندوستان سماچار / جاوید این اے