کٹیہار،02جون(ہ س)۔ ضلع کی بلرام پور پولیس نے غیر قانونی شراب کے خلاف بڑی کارروائی کرتے ہوئے 288 لیٹر غیر ملکی شراب برآمد کی ۔معاملے میں پولیس نے موقع پر ہی ایک شراب اسمگلر کو گرفتار کر لیا جو بنگال سے پک اپ وین میں شراب لوڈ کر کے لارہا تھا۔ پولیس نے ناجائز شراب کے ساتھ پک اپ وین بھی قبضے میں لے لی۔

پولیس کی معلومات کے مطابق منگل کے روز بلرام پور تھانہ انچارج کو اطلاع ملی کہ بنگال سے ایک شخص پک اپ میں ناجائز شراب لے کر بجڑگاؤں چوکی کی طرف آرہا ہے۔ اطلاع کی تصدیق کے لیے تھانہ انچارج پولیس فورس کے ساتھ بجڑگاؤں چیک پوسٹ پر پہنچے اور گاڑیوں کی مکمل چیکنگ شروع کی۔

اسی دوران پک اپ میں سوار ایک شخص پولیس کو دیکھ کر بھاگنے لگا۔ پولیس فورس کی مدد سے اس کا پیچھا کیا گیا اور اسے پکڑ لیا گیا۔ گاڑی کی مکمل تلاشی لینے پر 288 لیٹر غیر ملکی شراب برآمد ہوئی۔

گرفتار ملزم کی شناخت سوجیت باروئی (37 سال) ولد ششی موہن باروئی، ساکن دوکھین شانتی نگر، تھانہ بھکتی نگر، ضلع نیو جلپائی گوڑی (مغربی بنگال) کے طور پر کی گئی ہے۔ پولیس نے اسمگلروں کے خلاف مقدمہ درج کر کے مزید قانونی کارروائی شروع کر دی ہے۔

ہندوستھان سماچار

ہندوستان سماچار / Mohammad Afzal Hassan