لکھنؤ ، 17 جون (ہ س)۔گورکھپور میں اس مرتبہ ہم لوگوں نے انتخابی نتائج کو تبدیل کرنے کا عہد لیاہے۔ ہم بھارتیہ جنتا پارٹی (بی جے پی) کو گھیر کرزیرو کرنے کا کام کریں گے۔ وزیر اعلیٰ نے گورکھپور میں تقریباً 500 پرائمری اسکولوں کو بند کر دیاگیا ہے۔ وزیر اعلیٰ نے براہ راست 1500 لوگوں کی سرکاری نوکریاں چھین لی ہیں۔ سماج وادی پارٹی (ایس پی) کے قومی صدر اور سابق وزیر اعلی اکھلیش یادو نے پارٹی کی جانب سے ’ آڈٹ 2‘ کے تحت کتابچہ ’رام نگری میں گورکھ دھندھا‘ جاری کرتے ہوئے یہ باتیں کہیں۔ اکھلیش یادو بدھ کو راجدھانی لکھنو¿ میں پارٹی ہیڈکوارٹر میں صحافیوں سے خطاب کر رہے تھے۔ایس پی صدر نے کہا کہ وہ پی ڈی اے (پسماندہ، دلت ، اقلیت) لوگوں کو تعلیم سے محروم کر دینا چاہتے ہیں۔ انہیں معاشرے میں آگے بڑھنے اور عزت حاصل کرنے سے روکنا چاہتے ہیں۔ جب اپنا گھرہی نہیں سنبھال پارہے ہیںتو ریاست تو بس’بھگوان بھروسے‘ کی طرح چل رہا ہے۔ایودھیا میں شری رام مندر کے لیے عطیات کے بارے میں پوچھے گئے سوال کے جواب میں اکھلیش یادو نے کہا، ’ہم تمام سنتوں اور باباوں کا احترام کرتے ہیں۔ ہمارا مذہبی راستہ سچائی اور دوسروں کے لیے احترام کا ہے، اس لیے پی ڈی اے بھی محبت ، ہمدردی اور تعلق کا راستہ ہے۔ ہم بھگوان رام کے دکھائے ہوئے راستے پر چلیں گے۔‘ تاہم، انہوں نے یہ بھی کہا کہ سی سی ٹی وی سی سی (فنڈ چوری) کے راز کو بے نقاب کرے گا۔یوگی حکومت کے وزیر اوم پرکاش راج بھر کے پارٹی تقسیم والے دعوے کے سوال پر اکھلیش یادو نے کہا کہ جو ڈر جائے گا وہ اپنی پارٹی چھوڑ کر چلا جائے گا۔ اگر ہم بی جے پی سے مقابلہ کرنا چاہتے ہیں تو ہمیں بہادر افراد کی ٹیم کی ضرورت ہے۔ تاہم، یوپی میں، بی جے پی کے ایم ایل اے خود ہی رخ بدلنے کے لیے تیار ہیں۔

ہندوستھان سماچار

ہندوستان سماچار / Mohammad Khan