بھونیشور، 14 جون (ہ س)۔ صدرجمہوریہ دروپدی مرمو نے گنپرو(گنپروا) رج کے موقع پر قوم، خاص طور پر اڈیشہ کے لوگوں کو اپنی دلی مبارکباد پیش کی۔ انہوں نے کہا کہ برسات کے موسم کو خوش آمدید کہنے والا یہ روایتی تہوار زمین، ممتا اور فطرت کے احترام کی علامت ہے۔

اپنے پیغام میں صدر نے کہا کہ روایتی تقریبات جیسے پیٹھا، پان اور جھولے کے ذریعے یہ تہوار لوگوں کو فطرت کے ساتھ ہم آہنگی کے ساتھ رہنے کی ترغیب دیتا ہے۔ انہوں نے کہا کہ تہوار کی خصوصیات معاشرے کو متحد کرتی ہیں اور قوم کی تعمیر اور ملک کی ترقی میں فعال کردار ادا کرنے کی ترغیب دیتی ہیں۔

صدر جمہوریہ مرمو نے امید ظاہر کی کہ رج پروکی ثقافتی اور سماجی اقدار تمام شہریوں کو ملک کی ترقی کے لیے لگن کے ساتھ کام کرنے کی ترغیب دیں گی۔

رج پروکے پرمسرت موقع پر، انہوں نے اڈیشہ اور پورے ملک کے لوگوں کے لیے خوشی، امن اور خوشحالی کی خواہش کی۔

---------------

ہندوستان سماچار / عبدالسلام صدیقی