۔وزیر اعلی یوگی نے انتخابی نتائج پر کارکنوں کو مبارکباد دی

لکھنؤ، 4 مئی (ہ س)۔ اتر پردیش کے وزیر اعلی یوگی آدتیہ ناتھ نے پانچ ریاستوں کے انتخابی نتائج کو وزیر اعظم نریندر مودی پر لوگوں کے بڑھتے ہوئے اٹوٹ اعتماد کا عکاس قرار دیا۔ اپنے سوشل میڈیا اکاو¿نٹ پر پوسٹ کرتے ہوئے انہوں نے پارٹی عہدیداروں اور سرشار کارکنوں کو مبارکباد دیتے ہوئے اس تاریخی جیت کو ان کی محنت کا نتیجہ قرار دیا۔

وزیر اعلیٰ یوگی نے اپنی پوسٹ میں لکھا کہ ملک کے لوگوں کا وزیر اعظم نریندر مودی کی قیادت اور عوامی فلاحی پالیسیوں پر غیر متزلزل اعتماد ہے جو آج ایک بار پھر اسمبلی انتخابات کے تاریخی نتائج کی شکل میں ظاہر ہوا ہے۔

مغربی بنگال میں پہلی بار، آسام میں مسلسل تیسری بار اور پڈوچیری میں دوسری بار بھارتیہ جنتا پارٹی (بی جے پی-این ڈی اے) اتحاد کی حکومت بننا اسی اٹوٹ اعتماد کا ثمرہ ہے۔ عوام کی طرف سے یہ بے مثال مینڈیٹ وزیر اعظم کے ”نئے بھارت -وکست بھارت“ کے عظیم عزم کی تکمیل کو نئی تحریک فراہم کرے گا۔ اس تاریخی جیت کے لیے تمام سرشار عہدیداروں، محنتی کارکنوں اور مغربی بنگال، آسام اور پڈوچیری سے جیت درج کرنے والے امیدواروں کو دلی مبارکباد۔

وزیراعلیٰ نے کہا کہ وہ تہہ دل سے مشکور ہیں اور ان لوگوں کو مبارکباد پیش کرتے ہیں جنہوں نے اچھی حکمرانی اور قوم پرستی کو اپنا بیش قیمتی آشیرواد دیا ہے۔

ہندوستھان سماچار

ہندوستان سماچار / محمد شہزاد