مظفر پور، 3 مئی (ہ س)۔ بہار میں مظفر پور ضلع کے موتی پور تھانہ علاقے میں این ایچ 27 پر رتن پورہ کے قریب اتوار کے روز سڑک حادثے میں چار لوگوں کی موت ہو گئی۔ تصادم اتنا شدید تھا کہ کار مکمل طور پر تباہ ہو گئی اور اس میں سوار چاروں افراد کی موقع پر ہی موت ہوگئی۔

حادثے کے بعد جائے وقوعہ پر افراتفری کا ماحول ہو گیا، مقامی لوگوں کی بڑی بھیڑ جمع ہو گئی۔ اطلاع ملتے ہی موتی پور پولیس جائے وقوعہ پر پہنچی، لاشوں کو قبضے میں لے کر پوسٹ مارٹم کے لیے بھیج دیا۔ زخمی گاڑیوں کو سڑک سے ہٹا کر ٹریفک بحال کر دی گئی۔

عینی شاہدین کے مطابق کار ڈرائیور موٹر سائیکل سوار سے بچنے کی کوشش کر رہا تھا کہ اچانک اس کے سامنے آ گیا۔ اس دوران گاڑی کنٹرول کھو بیٹھی اور سڑک کنارے کھڑے ٹرک سے سیدھی ٹکرا گئی۔

مرنے والوں کی شناخت 35 سالہ کرشنا رائے اور 17 سالہ چھوٹو کمار کے طور پر کی گئی ہے، جو موتی پو ر باشندہ ہیں۔ جب کہ دیگر دو مرنے والوں کی شناخت ابھی تک نہیں ہو سکی ہے۔

وزیر اعلیٰ سمراٹ چودھری نے مظفر پور ضلع کے موتی پور تھانہ علاقہ رتن پور میں سڑک حادثے میں چار لوگوں کی موت پر تعزیت کا اظہار کیا ہے۔ وزیر اعلیٰ نے اس واقعہ کو انتہائی افسوسناک قرار دیا ہے۔

ہندوستھان سماچار

ہندوستان سماچار / Mohammad Afzal Hassan