ممبئی، 29 مئی (ہ س)۔

مغربی ایشیا کے بحران کے درمیان، غیر ملکی زرمبادلہ کے ذخائر میں مسلسل دوسرے ہفتے کمی آئی ہے۔ ملک کے زرمبادلہ کے ذخائر 22 مئی کو ختم ہونے والے ہفتے میں 7.51 ارب ڈالر کم ہو کر 681.38 ارب ڈالر رہ گئے۔ گزشتہ ہفتے زرمبادلہ کے ذخائر 8.09 ارب ڈالر کم ہو کر 688.89 ارب ڈالر ہو گئے تھے۔

ریزرو بینک آف انڈیا (آر بی آئی) نے جمعہ کو اعداد و شمار جاری کرتے ہوئے کہا کہ غیر ملکی کرنسی کے اثاثے، جو کہ غیر ملکی زرمبادلہ کے ذخائر کا ایک بڑا حصہ ہے، 22 مئی کو ختم ہونے والے ہفتے کے دوران 2.87 ارب ڈالر کم ہو کر 543.03ارب ڈالر ہو گئے۔ سونے کے ذخائر کی قیمت بھی 4.53 ارب ڈالر کم ہو کر 114.79ارب ڈالر ہو گئی۔ اسپیشل ڈرائنگ رائٹس (ایس ڈی آر) بھی اس عرصے کے دوران 77 ملین ڈالر کم ہوکر 18.75 ارب ڈالر رہ گئے۔ اعداد و شمار کے مطابق، بین الاقوامی مالیاتی فنڈ (آئی ایم ایف) میں ہندوستان کی ریزرو پوزیشن بھی 3.3کروڑ ڈالر کم ہو کر 4.82 ارب ڈالر رہ گئی۔

وزیر اعظم نریندر مودی نے بھی لوگوں سے اپیل کی ہے کہ وہ غیر ملکی سفر کم کریں، ایندھن کی کھپت کم کریں اور زرمبادلہ بچانے کے لیے ایک سال تک سونا خریدنے سے گریز کریں۔

ہندوستھان سماچار

ہندوستان سماچار / عطاءاللہ