ممبئی ، 29 مئی (ہ س) آٹو موبائل کمپنی ٹاٹا موٹرز نے بھارت میں اپنی فیس لفٹڈ 2026 ٹیاگو اور ٹیاگو ای وی باضابطہ طور پر لانچ کر دی ہے۔ کمپنی نے ٹیاگو آئی سی ای کی ابتدائی قیمت 4.69 لاکھ روپے جبکہ ٹیاگو ای وی کی ابتدائی قیمت 6.99 لاکھ روپے (ایکس شوروم) مقرر کی ہے۔

نئے ماڈل میں ڈیزائن، کیبن، فیچرز اور حفاظتی سہولیات کے لحاظ سے متعدد اہم تبدیلیاں کی گئی ہیں۔ اگلے حصے میں نئے زاویہ دار ہیڈ لیمپس، بند طرز کی گرل اور بہتر بمپر دیا گیا ہے۔ آئی سی ای ورژن میں سیاہ رنگ کی گرل جبکہ ای وی ماڈل میں باڈی کلر گرل فراہم کی گئی ہے۔ پچھلے حصے میں دونوں ویریئنٹس میں نئے مستطیل ٹیل لیمپس اور ایک سرے سے دوسرے سرے تک جڑنے والی لائٹ بار شامل کی گئی ہے۔

کیبن میں بھی نمایاں تبدیلیاں کی گئی ہیں، جہاں 10.25 انچ کی فری اسٹینڈنگ ٹچ اسکرین، ڈیجیٹل انسٹرومنٹ کلسٹر اور نیا دو اسپوک اسٹیئرنگ وہیل دیا گیا ہے۔ ٹیاگو ای وی میں ٹاٹا ای وی بیجنگ کے ساتھ خصوصی ڈیزائن عناصر شامل کیے گئے ہیں۔ ٹاپ ویریئنٹ میں اسمارٹ فون چارجنگ ٹرے بھی دستیاب ہے۔

فیچرز کے لحاظ سے گاڑی میں 360 ڈگری کیمرہ، بلائنڈ اسپاٹ مانیٹرنگ، چھ ایئر بیگز، آٹو اے سی، ریئر اے سی وینٹس، وائرلیس چارجنگ، کی لیس انٹری و گو اور 65 واٹ ٹائپ سی چارجنگ پورٹ جیسی سہولیات فراہم کی گئی ہیں۔ حفاظتی نظام میں ای ایس پی، ٹریکشن کنٹرول، ہل اسٹارٹ اسسٹ اور ٹائر پریشر مانیٹرنگ سسٹم شامل ہیں۔

پاور ٹرین کے حوالے سے ٹیاگو آئی سی ای میں 1.2 لیٹر پیٹرول انجن کے ساتھ سی این جی متبادل بھی برقرار رکھا گیا ہے۔ جبکہ ٹیاگو ای وی میں 19.2 kWh اور 24 kWh بیٹری آپشن دستیاب ہیں، جو 215 کلومیٹر تک رینج فراہم کرتے ہیں۔ 30 kW ڈی سی فاسٹ چارجر کی مدد سے گاڑی 10 فیصد سے 80 فیصد تک صرف 30 منٹ میں چارج کی جا سکتی ہے۔

مارکیٹ میں مقابلے کے اعتبار سے ٹیاگو آئی سی ای کا براہ راست مقابلہ ماروتی سوزوکی سیلیریو اور ہیونڈائی گرینڈ آئی-10 نیوس سے ہوگا، جبکہ ٹیاگو ای وی کا موازنہ ایم جی کومیٹ ای وی کے ساتھ کیے جانے کا امکان ہے۔

ہندوستھان سماچار

--------------------

ہندوستان سماچار / جاوید این اے