تاریخ میں 22 مئی کا دن کئی اہم واقعات کے لیے یاد کیا جاتا ہے، لیکن ہندوستانی کھیل اور مہم جوئی کی کامیابیوں کے لحاظ سے یہ دن خصوصی اہمیت رکھتا ہے۔ اسی دن سال 1984 میں ہندوستان کی پہلی خاتون کوہ پیما بچھیندری پال نے دنیا کی سب سے اونچی چوٹی ماونٹ ایورسٹ پر کامیابی سے پہنچ کر تاریخ رقم کر دی تھی۔

بچھیندری پال نے اس وقت یہ غیر معمولی کامیابی حاصل کی، جب کوہ پیمائی جیسے کٹھن شعبے میں خواتین کی شراکت نسبتاً کم تھی۔ انہوں نے اپنی مضبوط قوتِ ارادی، ہمت اور سخت محنت کے دم پر نہ صرف ایورسٹ فتح کیا، بلکہ پورے ملک کی خواتین کے لیے ترغیب کا ایک نیا باب بھی لکھا۔

اتراکھنڈ کے ایک عام خاندان سے تعلق رکھنے والی بچھیندری پال نے کئی چیلنجوں اور محدود وسائل کے باوجود اپنے ہدف کو حاصل کیا۔ ایورسٹ مہم کے دوران انہیں ناسازگار موسم اور مشکل حالات کا بھی سامنا کرنا پڑا، لیکن انہوں نے ہمت نہیں ہاری۔

کوہ پیمائی اور مہم جوئی کے کھیلوں میں ان کے اہم تعاون کو دیکھتے ہوئے حکومتِ ہند نے انہیں ملک کے معزز شہری اعزاز ’’پدم بھوشن‘‘ سے نوازا۔ اس کے علاوہ انہیں کئی دیگر انعامات اور اعزازات بھی حاصل ہوئے۔

آج بھی بچھیندری پال کا نام ہندوستانی ہمت، پختہ عزم اور کامیابی کی علامت کے طور پر لیا جاتا ہے۔ ان کی کامیابی نے یہ ثابت کیا کہ مضبوط ارادوں کے سامنے کوئی بھی اونچائی ناممکن نہیں ہوتی۔

دیگر اہم واقعات:

1545 - ایک دھماکے میں شیر شاہ سوری کی موت۔ 1540 میں شیر شاہ نے مغل سلطنت کو اپنے ہاتھوں میں لیا تھا۔

1805 - گورنر جنرل لارڈ ویلیزلی نے ایک حکم کے تحت دہلی کے مغل بادشاہ کے لیے ایک مستقل انتظام کا بندوبست کیا۔

1915 - پہلی جنگِ عظیم کے دوران اٹلی نے آسٹریا، ہنگری اور جرمنی کے خلاف جنگ کا اعلان کیا۔

1936 - لارڈ بریبورن نے بمبئی (اب ممبئی) میں بریبورن اسٹیڈیم کی بنیاد رکھی۔ یہ ملک کا پہلا اسٹیڈیم تھا۔

1959 - جموں و کشمیر کی سابق وزیرِ اعلیٰ محبوبہ مفتی کی پیدائش۔

1960 - چلی کے جنوبی ساحل پر آنے والے سب سے بڑے زلزلوں میں سے ایک میں 5,700 لوگوں کی موت ہو گئی اور اس سے سمندر میں اٹھنے والی تیز لہروں نے دور دراز کے بحرِ الکاہل (پیسفک) کے علاقوں جیسے جاپان اور ہوائی تک میں تباہی مچائی۔

1963 - ہندوستان کے پہلے گلائیڈر ’’روہنی‘‘ نے پرواز بھری۔

1972 - پاکستان کی جانب سے دولتِ مشترکہ (کامن ویلتھ) کی رکنیت سے استعفیٰ۔

1988 - ہندوستان نے ملک میں ہی تیار کردہ بین البراعظمی بیلسٹک میزائل (انٹر کانٹینینٹل بیلسٹک میزائل) ’’اگنی‘‘ کا کامیاب تجربہ کیا۔

1990 - شمالی اور جنوبی یمن کے انضمام کے ساتھ متحدہ یمن جمہوریہ کا قیام۔

1996 - مائیکل کیمڈیسس تیسری بار اگلے پانچ سالوں کے لیے بین الاقوامی مالیاتی فنڈ (آئی ایم ایف) کے منیجنگ ڈائریکٹر منتخب ہوئے۔

2000 - مشہور ہندوستانی تاجر، صنعت کار اور گودریج گروپ کے چیئرمین سہراب فیروز شاہ گودریج کا انتقال۔

2003 - الجزائر میں آنے والے تباہ کن زلزلے میں دو ہزار سے بھی زیادہ لوگ مارے گئے۔

2004 - ڈاکٹر منموہن سنگھ نے وزیراعظم کی کرسی سنبھالی۔

2007 - ماہرِ ریاضی شرینیواس وردھن کو ناروے کا ’’ابیل انعامات‘‘ فراہم کیا گیا۔

2008 - مرکزی اعلیٰ تعلیمی اداروں میں او بی سی طلبہ کو 27 فیصد کوٹہ دینے کا بنیادی ڈھانچہ تیار کرنے کے لیے حکومت نے 10 ہزار 328 کروڑ روپے دیے۔

2008 - کرناٹک اسمبلی کا تیسرا اور آخری مرحلہ مکمل۔

2008 - منشی پریم چند کی لافانی تخلیق ’’نرملا‘‘ سمیت ہندی کی پانچ تصانیف کے مترجم سال 2007 کے ساہتیہ اکادمی ایوارڈ کے لیے منتخب ہوئے۔

2008 - مرکزی حکومت نے گجرات فسادات کے متاثرین کے لیے اقتصادی پیکیج دینے کا اعلان کیا۔

2008 - اقوامِ متحدہ کی 47 رکنی انسانی حقوق کمیٹی میں پاکستان کو شامل کیا گیا۔

ہندوستھان سماچار

---------------

ہندوستان سماچار / انظر حسن