میڈرڈ، 02 مئی (ہ س)۔ میڈرڈ اوپن میں عالمی نمبر 3 الیگزینڈر زیوریو نے جمعہ کی رات شاندار کارکردگی پیش کرتے ہوئے بیلجیئم کے ابھرتے ہوئے کھلاڑی الیگزینڈر بلاکس کو سیدھے سیٹوں میں 6-2، 7-5 سے ہرا کر فائنل میں داخلہ حاصل کر لیا ہے۔ اب خطاب کے لیے ہونے والے مقابلے میں ان کا سامنا عالمی نمبر 1 جانک سنر سے ہوگا۔

میچ کے بعد زیوریو نے کہا، ’’فائنل میں پہنچ کر میں بے حد خوش ہوں۔ یہاں کئی مشکل مقابلے اور جدوجہد دیکھنے کو ملی۔ میں جانک سنر کے خلاف پھر کھیلنے کے لیے پرجوش ہوں۔ اس وقت ان کے لیے ٹینس کھیلنا بہت آسان نظر آ رہا ہے، لیکن امید ہے کہ فائنل میں میں انہیں کڑی ٹکر دوں گا۔‘‘

زیوریو نے مقابلے کے آغاز سے ہی دبدبہ بنائے رکھا اور پہلے سیٹ میں پہلے اور پانچویں گیم میں بریک حاصل کر کے 1-5 کی برتری حاصل کر لی۔ حالانکہ بلاکس نے جدوجہد کرتے ہوئے کچھ سیٹ پوائنٹس بچائے، لیکن جرمن کھلاڑی نے چوتھے موقع پر سیٹ اپنے نام کر لیا۔

دوسرے سیٹ میں بلاکس نے کڑا مقابلہ کیا اور کئی بریک پوائنٹس بچائے، لیکن بالآخر زیوریو نے 5-6 کی برتری بناتے ہوئے فیصلہ کن بریک حاصل کیا اور میچ جیت لیا۔

اس جیت کے ساتھ زیوریو اس سیزن میں پہلی بار فائنل میں پہنچے ہیں۔ وہ اس سے پہلے 2018 اور 2021 میں میڈرڈ اوپن کا خطاب جیت چکے ہیں اور اب تیسری بار ٹرافی جیتنے کے ارادے سے اتریں گے۔

ہندوستھان سماچار

---------------

ہندوستان سماچار / انظر حسن