جے پور، 02 مئی (ہ س)۔ انڈین پریمیئر لیگ (آئی پی ایل) 2026 کے 43 ویں مقابلے میں ضابطہ اخلاق کی خلاف ورزی کے معاملے میں دہلی کیپیٹلز کے تیز گیند باز کائل جیمیسن پر کارروائی کی گئی ہے۔

آئی پی ایل کی جانب سے جاری بیان کے مطابق، جیمیسن کو لیول- 1 کی خلاف ورزی کا قصوروار پایا گیا، جس کی وجہ سے انہیں ایک ڈیمیرٹ پوائنٹ دیا گیا اور سرکاری وارننگ جاری کی گئی۔

جیمیسن نے آئی پی ایل کے ضابطہ اخلاق کی دفعہ 2.5 کی خلاف ورزی کی، جو ایسے رویے سے متعلق ہے جس میں کھلاڑی کی جانب سے استعمال کی گئی زبان، حرکت یا اشارہ دوسرے کھلاڑی کو اکسا سکتا ہے یا توہین آمیز سمجھا جاتا ہے۔

یہ واقعہ راجستھان رائلز کے خلاف جے پور کے سوائی مان سنگھ اسٹیڈیم میں کھیلے گئے مقابلے کے دوران پہلی اننگ کے دوسرے اوور میں ہوا۔ جیمیسن نے جیسے ہی ویبھو سوریاونشی کو آوٹ کیا، اس کے بعد وہ بلے باز کے کافی قریب جا کر جارحانہ انداز میں نظر آئے، جسے اکسانے والا رویہ قرار دیا جاتا ہے۔

میچ ریفری راجیو سیٹھ کی جانب سے دی گئی سزا کو جیمیسن نے قبول کر لیا ہے۔

یہ میچ دہلی کیپیٹلز نے 7 وکٹ سے جیتا۔

ہندوستھان سماچار

---------------

ہندوستان سماچار / انظر حسن