نئی دہلی، 2 مئی (ہ س)۔ وزیرِ اعظم نریندر مودی نے ہفتہ کے روز لیہ میں مہاتما بدھ کے مقدس آثار کی نمائش کے افتتاح پر خوشی کا اظہار کیا۔ اس کا افتتاح جمعہ کو بدھ پورنیما کے موقع پر کیا گیا تھا۔ وزیرِ اعظم نے سوشل میڈیا پلیٹ فارم ایکس پر پروگرام کی تصاویر شیئر کرتے ہوئے کہا کہ یہ مقدس آثار کپل وستو کے پپرہوا استوپ سے متعلق ہیں اور 19ویں صدی کے آخری برسوں میں کھدائی کے دوران حاصل ہوئے تھے۔ یہ آثار گوتم بدھ کی تعلیمات کی علامت ہیں۔

انہوں نے بتایا کہ یہ نمائش 14 مئی تک جاری رہے گی اور آنے والے دنوں میں اسے زنسکار علاقے میں بھی لے جایا جائے گا۔ وزیرِ اعظم کے مطابق یہ تقریب لداخ کے لوگوں کو خراجِ عقیدت پیش کرنے کا ایک اہم موقع فراہم کرے گی۔ وزیرِ اعظم نے کہا کہ اس اقدام سے لداخ میں روحانی اور ثقافتی سیاحت کو فروغ ملے گا۔

وزیرِ اعظم نے لکھا، ”یہ انتہائی خوشی کی بات ہے کہ کل بدھ پورنیما کے موقع پر لیہ میں تتھاگت کے مقدس آثار کی نمائش کا افتتاح کیا گیا۔ یہ قابلِ احترام آثار کپل وستو کے پپرہوا استوپ سے متعلق ہیں اور 19ویں صدی کے آخری برسوں میں کھدائی کے دوران حاصل ہوئے تھے۔ یہ مہاتما بدھ کی ابدی تعلیمات کی علامت ہیں۔ یہ نمائش 14 مئی تک جاری رہے گی۔ آنے والے دنوں میں یہ زنسکار بھی جائے گی۔ یہ پورے لداخ کے لوگوں کو اپنی عقیدت کے پھول پیش کرنے کا ایک قیمتی موقع فراہم کرے گی۔ اس سے لداخ میں روحانی اور ثقافتی سیاحت کو بھی فروغ ملے گا۔”

ہندوستھان سماچار

---------------

ہندوستان سماچار / عبدالواحد