امپھال، 02 مئی (ہ س)۔ منی پور پولیس نے موریہ سرحدی علاقے کی طرف غیر قانونی طور پر لے جائے جا رہے پیٹرولیم اور ڈیزل مصنوعات کے خلاف کارروائی کرتے ہوئے علیحدہ علیحدہ مہمات میں کئی گاڑیوں کو ضبط کر کے پانچ ڈرائیوروں کو گرفتار کیا ہے۔

پولیس کی جانب سے آج دی گئی معلومات کے مطابق، یکم مئی کو تلاشی مہم کے دوران ایک بولیرو پک اپ گاڑی کو روکا گیا، جو موریہ کی طرف جا رہی تھی۔ تلاشی کے دوران گاڑی سے پیٹرولیم یا ڈیزل سے بھرے 11 کنٹینر برآمد کیے گئے۔ اس معاملے میں گاڑی کے ڈرائیور محمد حسن (51)، رہائشی ایرانگ بند (ضلع کاکچنگ) کو گرفتار کیا گیا۔

اس سے پہلے چلائی گئی ایک اور مہم میں پولیس نے چار گاڑیوں کو روکا، جن سے کل 25 کنٹینروں میں بھری مشتبہ پیٹرولیم اور ڈیزل مصنوعات برآمد ہوئیں۔ ضبط کی گئی گاڑیوں میں ایک ٹاٹا میجک اور تین ایکو وین شامل ہیں۔ ان کے ڈرائیوروں کی شناخت ضلع چنڈیل کے ایلوس لامکانگ (23)، ضلع تھوبل کے محمد عباس خان (47)، ضلع چنڈیل کے ڈانگ ساوا کوشل پپاچم (56) نیز ضلع کاکچنگ کے محمد مجیب الرحمن (35) کے طور پر ہوئی ہے۔

پولیس نے تمام پانچوں ڈرائیوروں کو گرفتار کر لیا ہے اور ضبط شدہ گاڑیوں اور ایندھن کو مزید قانونی کارروائی کے لیے متعلقہ حکام کے سپرد کر دیا گیا ہے۔

پولیس افسران نے بتایا کہ ضبط شدہ ایندھن کے ذرائع اور اس کے تقسیم کے نیٹ ورک کا پتہ لگانے کے لیے جانچ جاری ہے۔

ہندوستھان سماچار

---------------

ہندوستان سماچار / انظر حسن