امپھال، 02 مئی (ہ س)۔ منی پور میں سیکورٹی فورسز اور پولیس کی جانب سے منشیات مخالف چلائی گئی علیحدہ علیحدہ مہمات میں 700 گرام سے زائد مشتبہ ہیروئن ضبط کی گئی ہے اور دو ملزمین کو گرفتار کیا گیا ہے۔

پولیس ترجمان نے آج بتایا کہ پہلی مہم میں یکم مئی کو ضلع سیناپتی کے مرام تھانہ کے تحت کبینام علاقے میں کارروائی کرتے ہوئے سیکورٹی فورسز نے سیکول بازار کے رہائشی 25 سالہ مینگلینتھانگ توبوئی کو گرفتار کیا۔ اس کے قبضے سے 551 گرام مشتبہ ہیروئن برآمد کی گئی۔ اس کے ساتھ ہی ایک چار پہیہ گاڑی اور ایک موبائل فون بھی ضبط کر لیا گیا۔

دوسرے معاملے میں ضلع امپھال ایسٹ کے لملائی تھانہ کے تحت کھابیسوئی میں واقع سجیوا جیل روڈ سے پولیس نے کائیرانگ خمیڈوک مایائی لئیکائی کے رہائشی 28 سالہ محمد انیس خان کو گرفتار کیا۔ اس کے پاس سے صابن کے تین ڈبوں میں چھپا کر رکھی گئی 154 گرام مشتبہ ہیروئن برآمد ہوئی۔

معاملے کی مزید جانچ کے دوران یکم مئی کو نونگ میئبنگ نمبام چوتھیک میں واقع تھوناوجام دلیپ کمار کی رہائش گاہ پر تلاشی مہم چلائی گئی، جہاں سے صابن کے آٹھ اضافی ڈبوں میں بھری مشتبہ ہیروئن برآمد ہوئی۔ پولیس نے بتایا کہ معاملے کی تفتیش جاری ہے اور اس اسمگلنگ نیٹ ورک سے جڑے دیگر افراد کی تلاش کی جا رہی ہے۔

ہندوستھان سماچار

---------------

ہندوستان سماچار / انظر حسن