تاریخ کے آئینے میں 20 مئی: ’لال-بال-پال‘ کے پرجوش قوم پرست رہنما بپن چندر پال کی برسی

تاریخ میں 20 مئی کا دن کئی اہم واقعات کا شاہد رہا ہے، لیکن ہندوستانی تحریکِ آزادی کے تناظر میں یہ دن خاص اہمیت رکھتا ہے۔ آج ہی کے دن سال 1932 میں عظیم مجاہدِ آزادی اور پرجوش قوم پرست رہنما بپن چندر پال کا انتقال ہوا تھا۔ بپن چندر پال مشہور قوم پرست تکڑی ’لال-بال-پال‘ کے اہم رکن تھے۔ اس گروپ میں لالا لاجپت رائے، بال گنگادھر تلک اور بپن چندر پال شامل تھے۔ ان رہنماوں نے ہندوستانی تحریکِ آزادی کو نئی سمت دی اور برطانوی حکومت کے خلاف عوامی بیداری کی وسیع مہم چلائی۔

اس وقت ہندوستانی قومی تحریک میں دو دھارے نمایاں تھے۔ ایک فریق آئینی اصلاحات اور پرامن طریقوں کے ذریعے آزادی حاصل کرنے کا حامی تھا، جبکہ دوسرا فریق زیادہ پرعزم اور جارحانہ حکمتِ عملی کے حق میں تھا۔ بپن چندر پال اس خیال کے حامی تھے کہ محض سیاسی عرضداشتوں سے آزادی حاصل کرنا ممکن نہیں ہوگا اور اس کے لیے عوام کے اندر قومی شعور اور خود انحصاری کا جذبہ بیدار کرنا ضروری ہے۔ انہوں نے سودیشی تحریک، غیر ملکی اشیاء کے بائیکاٹ اور قومی تعلیم کو فروغ دینے میں اہم کردار ادا کیا۔ وہ ایک بااثر مقرر، مصنف اور صحافی بھی تھے، جنہوں نے اپنی تحریروں اور تقریروں کے ذریعے لوگوں میں حب الوطنی کے جذبے کو مضبوط کیا۔

دیگر اہم واقعات:

1498 – واسکو ڈی گاما کی ہندوستان آمد۔

1609 - ولیم شیکسپیئر کی نظموں کا پہلا مجموعہ ’’سونیٹس‘‘ شائع ہوا تھا۔

1873 – لیوائس جینس کی ایجاد اور کپڑوں کی دنیا میں انقلاب۔

1927 – پہلی بار اکیلے بحرِ اوقیانوس (اٹلانٹک) پار پرواز کا آغاز۔

1995 - روس کی جانب سے بغیر انسان والے خلائی جہاز ’’اسپیکٹر‘‘ کا کامیاب تجربہ۔

2000 - فجی میں مسلح افراد کے رہنما جارج اسپیٹ نے ملک کے عبوری وزیراعظم کے طور پر حلف لیا۔

2001 - افغانستان میں طالبان نے ہندووں کی علیحدہ شناخت کے لیے ڈریس کوڈ بنایا۔

2003 - پاکستان نے عسکریت پسند تنظیم حزب المجاہدین پر پابندی لگائی۔

2004 - تائیوان میں نو تشکیل شدہ حکومت نے حلف اٹھایا۔ یورپی یونین کے بعد امریکہ نے بھی زرعی برآمدی سبسڈی کم کرنے کا اعلان کیا۔

2011 - وزیراعظم منموہن سنگھ نے مدھیہ پردیش کے بینا میں ہزاروں کروڑ کی لاگت سے بنی آئل ریفائنری قوم کے نام وقف کی۔ یہ بھارت پٹرولیم لمیٹڈ، عمان آئل کمپنی اور مدھیہ پردیش حکومت کی کوششوں سے تیار ہونے والا عالمی سطح کا پروجیکٹ ہے۔

2011 - جھارکھنڈ کی کوہ پیما پریم لتا اگروال نے دنیا کی سب سے اونچی چوٹی ماونٹ ایورسٹ پر چڑھنے والی سب سے عمر رسیدہ بھارتی خاتون ہونے کا اعزاز حاصل کرتے ہوئے کوہ پیمائی کے شعبے میں ایک نئی تاریخ رقم کی۔

ہندوستھان سماچار

--------------

ہندوستان سماچار / انظر حسن