میلبورن، یکم مئی (ہ س)۔ میلبورن رینیگیڈز کے ہیڈ کوچ سائمن ہیلموٹ نے پانچ سال کی مدتِ کار کے بعد کلب چھوڑنے کا فیصلہ کیا ہے۔ 54 سالہ ہیلموٹ اب نئے مواقع کی تلاش کریں گے۔

ہیلموٹ نے 2021 میں ٹیم کی کمان سنبھالی تھی اور اپنے پہلے ہی سیزن میں ٹیم کو رنرز اپ (نائب فاتح) بنایا۔ حالانکہ، ان کی مدتِ کار کی سب سے بڑی کامیابی ویمنز بگ بیش لیگ (ڈبلیو بی بی ایل) کے 10 ویں سیزن میں ٹیم کو پہلا خطاب دلانا رہی۔ اس تاریخی جیت میں کپتان سوفی مولینیو کے ساتھ ان کی حکمتِ عملی نے اہم کردار ادا کیا۔

فی الحال ہیلموٹ ہندوستان میں سن رائزرز حیدرآباد کے اسسٹنٹ کوچ کے طور پر کام کر رہے ہیں، جہاں وہ ہیڈ کوچ ڈینیل ویٹوری اور کپتان پیٹ کمنز کے ساتھ مربوط ہیں۔

ہیلموٹ کا رینیگیڈز سے لگاو بگ بیش لیگ کے آغاز سے رہا ہے۔ وہ مردوں کی ٹیم کے پہلے کوچ بھی رہے اور چار برسوں تک اس عہدے پر رہے۔

ہیلموٹ کی مدتِ کار میں ٹیم کی کارکردگی

ڈبلیو بی بی ایل 07: نائب فاتح

ڈبلیو بی بی ایل 08: 7 واں مقام

ڈبلیو بی بی ایل 09: 8 واں مقام

ڈبلیو بی بی ایل 10: چیمپئن

ڈبلیو بی بی ایل 11: 5 واں مقام

رینیگیڈز کے جنرل منیجر جیمز روزنگارٹن نے کہا کہ ہیلموٹ نے کلب کو نئی بلندیوں تک پہنچایا اور میدان کے ساتھ ساتھ ٹیم کے ماحول پر بھی گہرا اثر چھوڑا۔ انہوں نے کہا کہ کھلاڑیوں، عملے اور مداحوں کے ساتھ ان کا تعلق ہمیشہ یاد رکھا جائے گا۔

ہیلموٹ کے جانے کے بعد بگ بیش لیگ میں کوچ کے عہدوں کی خالی جگہوں کی تعداد بڑھ گئی ہے۔ اس سے پہلے سڈنی تھنڈر اور سڈنی سکسرز کی مردوں کی ٹیموں کے ہیڈکوچ کے عہدے بھی خالی ہیں۔

ہندوستھان سماچار

---------------

ہندوستان سماچار / انظر حسن