نئی دہلی، 30 اپریل ( ہ س )۔ اسپورٹس اتھارٹی آف انڈیا (ایس اے آئی) نے آئرلینڈ میں منعقدہ آئی بی ایس ایف ورلڈ مینز بلیئرڈز چیمپئن شپ 2026 میں ہندوستانی ٹیم کی شرکت کے لیے مالی مدد فراہم کی ہے۔ 2026 کے عالمی چیمپئن سورو کوٹھاری، متعدد عالمی چیمپئن پنکج اڈوانی، اور کوچ اشوک شندیلیہ کو یہ مدد فراہم کی گئی ہے۔

چیمپئن شپ کا اختتام 29 اپریل کو ہوا تھا جس میں ہندوستانی ٹیم نے نیشنل اسپورٹس فیڈریشن اسسٹنس اسکیم کے تعاون سے حصہ لیا تھا۔

اسپورٹس اتھارٹی آف انڈیا نے ٹیم کی شرکت کے لیے بلیئرڈ اینڈ سنوکر فیڈریشن آف انڈیا (بی ایس ایف آئی) کو تقریباً 6.46 لاکھ کی رقم منظور کی۔ یہ رقم سفری اخراجات، رہائش، کھانے، اور کھلاڑیوں اور کوچز کے مقابلے سے متعلق دیگر ضروری اخراجات کے لئے تھی۔

اس اقدام کا مقصد ہندوستانی کھلاڑیوں کو بین الاقوامی سطح پر بہتر تعاون فراہم کرنا اور انہیں بڑے ٹورنامنٹس میں حصہ لینے کی ترغیب دینا ہے۔

ہندوستھان سماچار

---------------

ہندوستان سماچار / عبدالواحد