نئی دہلی، 30 اپریل ( ہ س): ریان پراگ کو آئی پی ایل 2026 میں ضابطہ اخلاق کی خلاف ورزی کے معاملے میں بڑا دھچکا لگا ہے۔ راجستھان رائلز (آر آر) کے کپتان پراگ پر پنجاب کنگز (پی بی کے ایس) کے خلاف میچ کے دوران ڈریسنگ روم میں ویپنگ کرتے ہوئے پکڑے گئے۔ ویپنک در اصل نکوٹین، ذائقوں اور دیگر کیمیکلز والے مائع کو گرم کر کے بھاپ کی صورت میں پھیپھڑوں تک پہنچایا جاتا ہے، جسے روایتی سگریٹ کا متبادل سمجھا جاتا ہے۔ پکڑے جانے پر ان کی میچ فیس کا 25 فیصد جرمانہ عائد کیا گیا ہے۔ ایک ڈی میرٹ پوائنٹ بھی دیا گیا ہے۔

جمعرات کو جاری کردہ ایک بیان میں، بورڈ آف کنٹرول فار کرکٹ ان انڈیا (بی سی سی آئی) نے کہا کہ پراگ نے کھیل کے وقار کے لیے اس طرز عمل سے آئی پی ایل کے ضابطہ اخلاق کے آرٹیکل 21.2 کی خلاف ورزی ہوئی ہے۔ یہ واقعہ منگل کو نیو چنڈی گڑھ میں کھیلے گئے میچ کے دوران پیش آیا جب راجستھان رائلز 222 رنز کے ہدف کا تعاقب کر رہی تھی اور اس نے چار گیندیں باقی رہ کر میچ جیت لیا۔ پراگ نے اپنی غلطی تسلیم کر لی ہے اور میچ ریفری امت شرما کی تجویز کردہ سزا کو قبول کر لی ہے۔

بی سی سی آئی نے یہ بھی اشارہ دیا ہے کہ وہ اس معاملے میں مزید سخت کارروائی کرنے کے متبادل پر غور کر رہا ہے تاکہ آئی پی ایل کا وقار برقرار رہے۔ بورڈ ٹیم، عہدیداروں اور متعلقہ کھلاڑیوں کے خلاف سخت کارروائی کر سکتا ہے۔

اس سے قبل 10 اپریل کو گوہاٹی میں رائل چیلنجرز بنگلور کے خلاف میچ کے دوران راجستھان رائلز ٹیم کے منیجر رومی بھنڈر پر ڈگ آؤٹ میں موبائل فون استعمال کرنے پر 1 لاکھ روپے کا جرمانہ عائد کیا گیا تھا۔ انہوں نے اپنی غلطی کو نادانستہ غلطی قرار دیا تھا اور غیر مشروط معافی بھی مانگی تھی۔

یہ دونوں معاملات سوشل میڈیا پر منظر عام پر آنے والی تصاویر کے ذریعے سامنے آئے، جس سے ایک بار پھر آئی پی ایل میں نظم و ضبط اور قوانین کی پابندی کے بارے میں سوالات اٹھے۔

ہندوستھان سماچار

---------------

ہندوستان سماچار / عبدالواحد