نوادہ، یکم مئی (ہ س)۔ نوادہ کے ایڈیشنل ڈسٹرکٹ اینڈ سیشن جج آشوتوش کمار کھیتان نےڈائن بتا کر قتل کو انجام دینے کے معاملے میں 8 ملزمین کو عمر قید کی سزا سنائی ہے۔ ہر ملزم کو پانچ پانچ ہزار روپے جرمانہ کی بھی سزا سنائی گئی۔عدالتی ذرائع نے جمعہ کے روز بتایا کہ 2019 میں نوادہ ضلع کے گووند پور تھانہ کے تحت کوالیہ گڑھ گاؤں میں مارنی دیوی نامی ایک خاتون کو ڈائن ہونے کا الزام لگا کر پیٹ پیٹ کر قتل کر دیا گیا تھا۔ اس کے بال کاٹے گئے اور اسے برہنہ کر کے گاؤں میں گھمایا گیا۔ سول کورٹ میں کام کرنے والے سینئر ایڈیشنل پبلک پراسیکیوٹر ایشوری پرساد شرما کی طرف سے پیش کیے گئے ثبوتوں کو قبول کرتے ہوئے جج آشوتوش کمار کھیتان نے تمام ملزمین کو عمر قید کی سزا سنائی۔جج نے کہا کہ کسی کو ڈائن بتا کر مارنا ایک سنگین سماجی برائی ہے جسے کسی قیمت پر معاف نہیں کیا جا سکتا۔ ایسے مجرموں کو سخت سزا نہ دی گئی تو سمجھ میں آتا ہے کہ انتشار کی صورتحال پیدا ہو جائے گی۔ گواہوں کے بیانات اور پولیس رپورٹ کے ٹھوس شواہد کی بنیاد پر جج نے نریش مانجھی، برجو مانجھی، کرو مانجھی، تلسی مانجھی، ترلوکی مانجھی، پونا مانجھی، راجیش مانجھی اور سریش مانجھی کو عمر قید کی سزا سنائی۔

ہندوستھان سماچار

ہندوستان سماچار / Mohammad Afzal Hassan