نئی دہلی، 30 اپریل (ہ س):۔

قومی تحقیقاتی ایجنسی (این آئی اے) نے منی پور میں 2023 میں ایک سب ڈویژنل پولیس آفیسر (ایس ڈی پی او) کے قتل کے ایک اہم ملزم کو گرفتار کیا ہے۔ اس پر کوکی کے مشتبہ عسکریت پسندوں کے حملے کی سازش میں ملوث ہونے کا الزام ہے۔

این آئی اے کے مطابق، گرفتار ملزم اوٹکھوتھنگ بائٹ عرف اوتھانگ بائٹ منی پور کے ٹینگنوپال ضلع کے مورہ علاقہ کا رہنے والا ہے۔ اس نے ایک مشتبہ کوکی عسکریت پسند گروپ کے ارکان کے ساتھ مل کر ضلعی پولیس ٹیم پر حملہ کرنے کی سازش کی۔

تحقیقاتی ایجنسی کے مطابق 31 اکتوبر 2023 کو منی پور میں نسلی تشدد کے عروج کے دوران جنگجوو¿ں نے کھیل کے میدان میں موجود ضلعی پولیس کی ٹیم پر گولیاں چلا دیں۔ اس حملے میں موڑ کے ایس ڈی پی او چنتھم آنند کمار سنگھ کے پیٹ میں گولی لگی جس کے نتیجے میں ان کی موت ہو گئی۔

مورہ پولیس نے اس معاملے میں ابتدائی کیس درج کیا تھا، جسے مارچ 2024 میں این آئی اے نے اپنے قبضے میں لے لیا تھا۔ جانچ کے دوران ایجنسی کو پتہ چلا کہ اس سازش کا مقصد ریاست میں دہشت پھیلانا تھا۔

ہندوستھان سماچار

ہندوستان سماچار / عطاءاللہ