سرینگر، 29 اپریل(ہ س)۔

پیپلز ڈیموکریٹک پارٹی (پی ڈی پی) کی رہنما التجا مفتی نے بدھ کو وزیراعلیٰ عمرعبداللہ پرجموں و کشمیر کی اجتماعی تاریخ سے اردو زبان کو ہٹانے کی کوشش کرنے کا الزام لگایا۔ یہاں سرینگر میں ایک پریس کانفرنس سے خطاب کرتے ہوئے مفتی نے دعویٰ کیا کہ وزیراعلیٰ کی سربراہی میں محکمہ محصولات نے جولائی 2025 میں نظام سے اردو کو ہٹانے کا عمل شروع کیا تھا۔ انہوں نے کہا، اس میں کوئی شک نہیں کہ جموں وکشمیر حکومت، جس کی سربراہی وزیر اعلیٰ عمر عبداللہ کر رہے ہیں ، اردو کو بتدریج ہٹانے کی کوشش کررہے ہیں، جو جموں و کشمیر میں سماج کے ہر طبقے اور کمیونٹی کی زبان ہے۔ انہوں نے الزام لگایا کہ ریونیو ڈپارٹمنٹ کے سربراہ کی حیثیت سے عبداللہ نے حکم جاری کیا کہ محصولات کے دستاویزات کی ڈیجیٹلائزیشن صرف انگریزی زبان میں ہوگی۔حالانکہ ہمارے تمام ریکارڈ صدیوں سے اردو میں ہیں۔ میں عبداللہ سے پوچھنا چاہتی ہوں کہ اس نے ایسا حکم کیوں جاری کیا؟... یہ جاننے کے باوجود کہ تمام دستاویزات اردو میں ہیں، ہریانہ ماڈل کو یہاں کیوں نافذ کیا اور انگریزی پر زور دیا۔ انہوں نے یہ بھی کہا کہ عبداللہ کی حکومت میں اردو کے علم کی ضرورت، جو محکمہ ریونیو میں بھرتی کے لیے ضروری ہوا کرتی تھی، کو ختم کر دیا گیا۔’میری عبداللہ سے کوئی ذاتی لڑائی نہیں ہے، لیکن جو مہاراجہ کے زمانے میں نہیں ہوا یا جب بی جے پی چاہتی تھی، تو وہ ایسا کیوں کر رہی ہے؟ آپ کو اردو سے کیا الرجی ہے؟ آپ ہماری اجتماعی تاریخ سے اردو کو کیوں ہٹا رہے ہیں؟‘ مفتی نے اس بات پر زور دیا کہ اردو صدیوں سے جموں کشمیر کے لوگوں کی مشترکہ زبان رہی ہے۔کیا عوام نے انہیں اتنا بڑا مینڈیٹ دیا ہے کہ وہ ہماری زبان، ثقافت اور شناخت کا ایک بہت بڑا حصہ مٹادیں۔ کیا آپ یہ بی جے پی کے کہنے پر کر رہے ہیں؟ اس نے کہا، انہوں نے کہا کہ یہ نوجوانوں پر بھی حملہ ہے۔ منگل کے روز، مفتی نے ریونیو ریکارڈ میں اردو کو لازمی زبان کے طور پر ہٹانے پر جموں اور کشمیر حکومت کے خلاف اپنی پارٹی کے احتجاج کی قیادت کی۔ ہندوستھان سماچار

ہندوستان سماچار / Aftab Ahmad Mir