27 اپریل کا دن ہندوستان کی دفاعی تاریخ میں خاص اہمیت رکھتا ہے، کیونکہ یہ دن اس نظریہ سے مربوط ہے جس نے ملک کی سیکورٹی پالیسی اور اسٹریٹجک سوچ کو نئی سمت دی۔ اسی سوچ کا نتیجہ ہے نیشنل ڈیفنس کالج (این ڈی سی)، جو ہندوستان کا اعلیٰ ترین اسٹریٹجک تربیتی ادارہ مانا جاتا ہے۔

حکومتِ ہند نے 1959 میں یو کے (برطانیہ) کے امپیریل ڈیفنس کالج کی طرز پر اس ادارے کے قیام کا فیصلہ کیا تھا۔ بعد ازاں 27 اپریل کو اس کے باضابطہ طور پر تیار ہونے اور قائم ہونے کی سمت میں ایک اہم تاریخی دن مانا جاتا ہے۔ اس کالج کا افتتاح ہندوستان کے پہلے وزیراعظم پنڈت جواہر لعل نہرو نے کیا تھا، جنہوں نے اسے قومی سلامتی کے فکری ارتقاء کا مرکز بتایا۔

نیشنل ڈیفنس کالج دہلی میں واقع ہے اور اس کا مقصد ملک کے اعلیٰ فوجی و انتظامی افسران کو اسٹریٹجک سوچ، دفاعی پالیسی، بین الاقوامی تعلقات اور قومی مفادات کی گہری سمجھ فراہم کرنا ہے۔ یہاں ہندوستانی فوج، بحریہ اور فضائیہ کے سینئر افسران کے ساتھ ساتھ آئی اے ایس، آئی پی ایس اور آئی ایف ایس افسران تربیت حاصل کرتے ہیں۔

ہر سال تقریباً 25 سینئر افسران اس کورس کے لیے منتخب ہوتے ہیں۔ اس کے علاوہ امریکہ، برطانیہ، کینیڈا، فرانس، جرمنی، آسٹریلیا، سری لنکا، نیپال، یو اے ای اور دیگر ممالک کے افسران بھی اس میں حصہ لیتے ہیں، جس سے یہ ایک بین الاقوامی اسٹریٹجک پلیٹ فارم بن جاتا ہے۔

اس ادارے کی فیکلٹی میں تینوں افواج کے ساتھ ساتھ سول سروسز کے تجربہ کار افسران شامل ہوتے ہیں۔ پہلے کمانڈنٹ لیفٹیننٹ جنرل کے۔ وی۔ کرشنا راو رہے، جنہوں نے اس کی بنیاد کو مضبوط کیا۔ این ڈی سی آج ہندوستان کی سیکورٹی اور پالیسی سازی میں ایک تھنک ٹینک کا کردار ادا کرتا ہے اور ملک کی اسٹریٹجک قیادت کو شکل دینے میں اہم تعاون دیتا ہے۔

دیگر اہم واقعات:

1912- مشہور اداکارہ اور تھیٹر آرٹسٹ زہرہ سہگل کی پیدائش۔

1942-امریکہ کی ریاست اوکلاہوما میں آنے والے طوفان کی وجہ سے 100 لوگ مارے گئے۔

1972- خلائی جہاز ’اپولو 16‘ زمین پر واپس لوٹا۔

1989-ڈھاکہ (بنگلہ دیش) میں طوفان سے 500 لوگوں کی موت۔

2008- راجستھان حکومت نے ہر ضلع ہیڈکوارٹر پر معذوروں کے لیے موبائل کورٹ قائم کرنے کا فیصلہ کیا۔

2008- پاکستان نے اپنے خارجہ سکریٹری ریاض محمد خان کو برطرف کر کے ان کی جگہ چین میں پاکستان کے سفیر سلمان بشیر کو خارجہ سکریٹری مقرر کیا۔

2008- مراکش کی ایک گدا فیکٹری میں آگ لگنے سے 55 افراد کی موت۔

2009- مشہور اداکار اور فلم پروڈیوسر و ہدایت کار فیروز خان کا انتقال۔

2010- یونیک آئیڈنٹی فیکیشن اتھارٹی آف انڈیا (یو آئی ڈی اے آئی) نے ہندوستان کے شہریوں کی شناخت کا ایک بڑا ثبوت بننے جا رہے یونیک آئیڈنٹی فیکیشن نمبر کو اب نیا برانڈ نام ’آدھار‘ اور نیا لوگو پیش کیا۔

2017- طویل عرصے سے کینسر میں مبتلا ہندی فلم اداکار ونود کھنہ کا 70 سال کی عمر میں انتقال۔

اہندوستھان سماچار

---------------

ہندوستان سماچار / انظر حسن