سیوان، 25 اپریل (ہ س)۔ ضلع کے آساواں تھانہ علاقہ کے سنگھ پور گاؤں میں جرائم پیشوں نے ایک نوجوان کا گلا کاٹ ریت کر بے دردی سے قتل کر دیا۔ مقتول 35 سالہ مہیش یادو ولد آنجہانی نند کمار یادوہے۔بتایا جاتا ہے کہ مہیش یادو جمعہ کی رات اپنے گھر کے قریب ایک کھیت میں کھڑی ٹریکٹر ٹرالی پر سو رہا تھا کہ نامعلوم بدمعاشوں نے ان پر حملہ کیا اور بے دردی سے اس کا گلا ریت دیا۔ قتل کے بعد بدمعاش موقع سے فرار ہوگئے۔ واقعہ ہفتہ کی صبح اس وقت سامنے آیا جب خاندان کے لوگ کھیت میں پہنچے تو لاش خون میں لت پت پائی۔ اس منظر سے خاندان میں افراتفری پھیل گئی اور گاؤں میں خوف و ہراس پھیل گیا۔اطلاع ملتے ہی آساواں تھانہ کی پولیس جائے وقوعہ پر پہنچی اور لاش کو قبضے میں لے کر پوسٹ مارٹم کے لیے صدر اسپتال بھیج دیا۔ پولیس معاملے کی تحقیقات کر رہی ہے، حالانکہ قتل کے وجہ کا ابھی تک انکشاف نہیں ہو سکا ہے۔ واقعہ کے بعد گاؤں کے لوگ اس وحشیانہ قتل سے خوفزدہ ہیں اور جرائم پیشوں کی جلد از جلد گرفتاری کا مطالبہ کر رہے ہیں۔

ہندوستھان سماچار

ہندوستان سماچار / Mohammad Afzal Hassan