سرینگر، 22 اپریل(ہ س)۔

جموں و کشمیر میں سیاحوں نے بدھ کے روز باندی پورہ گریزعلاقے کے رازدان پاس پر گزشتہ سال پہلگام دہشت گردانہ حملے میں جان گنوانے والوں کو دلی خراج عقیدت پیش کیا، اس دہشت گردی کے واقعہ کی پہلی برسی کے موقع پر جس میں 26 افراد ہلاک ہوئے تھے۔ گھناؤنے حملے کی پہلی برسی کے موقع پر سیاح ٹورآپریٹرز اور ڈرائیورزایک ساتھ خراج عقیدت پیش کرنے کے لیے جمع ہوئے اورگزشتہ سال ہوئے اس دہشت گردانہ حملے میں جاں بحق ہونے والوں کی یاد میں دو منٹ کی خاموشی اختیار کرکے خراج عقیدت پیش کیا۔ 22 اپریل 2025 کو جب دہشت گردوں نے جموں و کشمیر کے سیاحتی شہر پہلگام پر حملہ کر کے 26 شہریوں کو ہلاک کردیا تو قوم نے شدید غم وغصے کا اظہار کیا۔ قدرتی خوبصورتی کے ساتھ ایک سیاحتی مقام کے طور پر جانے جانے والے پہلگام کو پاکستان کے حمایت یافتہ دہشت گردوں نے خون میں رنگ دیا گیا اواس حملے میں کئی بے گناہ لوگوں کی موت ہوگئی تھی۔نامہ نگاروں سے بات کرتے ہوئے، ممبئی کے ایک سیاح نے کہا کہ اس سانحہ نے پورے خطے اور اس سے باہر کے لوگوں کے دلوں میں دیرپا زخم چھوڑے ہیں، لیکن اس بات پر زور دیا کہ تشدد کی ایسی کارروائیاں اتحاد کے جذبے کو کمزور نہیں کر سکتیں۔کوئی طاقت کشمیر اور ہندوستان کو تقسیم نہیں کر سکتی۔ کشمیر کا بھائی چارہ اس کے اٹوٹ بندھن کی سب سے مضبوط مثال ہے۔ پچھلے سال جو کچھ ہوا اس سے ہمیں بہت دکھ ہوا ہے۔ ایسے ناخوشگوار واقعات ہر شہری کے دل میں زخم تو چھوڑ جاتے ہیں لیکن ہمارے عزم کو توڑ نہیں سکتے۔ ہم یہاں محفوظ محسوس کرتے ہیں اور مقامی لوگوں کی طرف سے دکھائی جانے والی محبت بہت زیادہ ہے۔ایک اور سیاح نے مزید کہا کہ دہشت انہیں تقسیم نہیں کر سکتی اور یہاں اتحاد ہمیشہ مضبوط رہے گا۔ جیسا کہ ہم یہاں ہیں اور آج پہلی برسی ہے، ہم امن کو غیر مستحکم کرنے کی کوشش کرنے والوں کو ایک مضبوط پیغام دینا چاہتے ہیں کہ ہم ایک ہیں۔ دہشت گردی ہمیں تقسیم نہیں کر سکتی، اور جو اتحاد ہم یہاں دیکھ رہے ہیں وہ ہمیشہ مضبوط رہے گا۔مقامی ٹورسٹ گائیڈز نے اسی طرح کے جذبات کا اظہار کرتے ہوئے کہا کہ کشمیر نے ہمیشہ کھلے دل سے سیاحوں کا خیرمقدم کیا ہے اور امن میں خلل ڈالنے کی کوششوں کے باوجود ہم ایسا کرتے رہیں گے۔ انہوں نے کہا کہ تعزیتی تقریب میں سیاحوں کی شرکت لچک اور امید کی عکاسی کرتی ہے۔ خراج عقیدت پیش کرنے کی یہ تقریب امن کے لیے دعا اور اتحاد کو برقرار رکھنے کے اجتماعی عہد کے ساتھ اختتام پذیر ہوا۔ ہندوستھان سماچار

ہندوستان سماچار / Aftab Ahmad Mir