گورکھپور، 2 اپریل (ہ س)۔ اتر پردیش کے وزیر اعلی یوگی آدتیہ ناتھ نے گورکھپور کے اپنے دورے کے دورانجمعرات کی صبح گورکھ ناتھ مندر میں منعقدہ جنتا درشن کے دوران لوگوں سے ملاقات کی اور ان کے مسائل سنے۔ اس دوران، انہوں نے رہائش کے لئے ضرورت مندوں افراد کو رہائش فراہم کرنے اور سنگین بیماریوں میں مبتلا افراد کے علاج کے لیے ہر ممکنہ مالی مدد دینے کا وعدہ کیا۔ انہوں نے کہا کہ حکومت فلاحی اسکیموں کا فائدہ ہر ضرورت مند اور اہل شخص تک پہنچانے اور ہر مسئلہ کو مو¿ثر طریقے سے حل کرنے کے لیے پرعزم ہے۔

وزیر اعلی یوگی آدتیہ ناتھ نے گورکھ ناتھ مندر میں منعقدہ جنتا درشن کے دوران تقریباً 100 لوگوں سے ملاقات کی۔ مہنت دگ وجے ناتھ اسمرتی بھون کے سامنے کرسیوں پر بیٹھے لوگوں کے پاس پہنچ کر وزیر اعلیٰ نے ان کے مسائل کو توجہ سے سنا۔ انہوں نے ان کی درخواستیں لے کر انہیں متعلقہ انتظامی اور پولیس حکام کے پاس حل کرنے کے لیے بھجوایا اور ہدایت دی کہ تمام مسائل کو بروقت، منصفانہ اور تسلی بخش طریقے سے حل کیا جائے۔ انہوں نے پولیس سے متعلقہ معاملات میں فوری اور سخت کارروائی کی بھی ہدایت کی۔

جنتا درشن کے دوران ایک خاتون نے اپنی رہائش کی پریشانی کا اظہار کیا۔ وزیر اعلیٰ نے انہیں یقین دلایا کہ انہیں حکومت کی ہاو¿سنگ اسکیم کے تحت رہائش فراہم کی جائے گی۔ وزیراعلیٰ نے سنگین بیماریوں کے علاج کے لیے مالی امداد کے خواہشمند لوگوں کو یقین دلایا کہ پیسے کی کمی کی وجہ سے کسی کا علاج نہیں روکا جائے گا۔ انہوں نے افسران کو ہدایت دی کہ جو بھی ضرورت مند ہیں، انتظامیہ جلد از جلد ان کے اعلیٰ سطحی علاج کا تخمینہ لگاکر انہیں مالی مالی مدد فراہم کرے۔ جنتا درشن کے لیے کچھ خواتین کے ساتھ آئے ہوئے بچوں کو چاکلیٹ دے کر وزیر اعلیٰ یوگی نے انھیں خوب پڑھنے کی ترغیب دی۔

ہندوستھان سماچار

ہندوستان سماچار / محمد شہزاد