ممبئی ، 18 اپریل (ہ س): شیوسینا (ادھو بالاصاحب ٹھاکرے گروپ) کے رکن پارلیمنٹ سنجے راوت کی جانب سے دائر ہتک عزت کے فوجداری مقدمے میں ماجگاؤں مجسٹریٹ عدالت نے بی جے پی لیڈر اور وزیر مملکت نتیش رانے کے خلاف ضمانتی وارنٹ جاری کر دیا ہے۔

یہ مقدمہ نتیش رانے کے اس بیان کے بعد درج کیا گیا تھا جس میں انہوں نے دعویٰ کیا تھا کہ سنجے راوت نیشنلسٹ کانگریس پارٹی میں شامل ہونے والے ہیں۔ اس بیان کو اپنی ساکھ کو نقصان پہنچانے والا قرار دیتے ہوئے سنجے راوت نے ہتک عزت کا مقدمہ دائر کیا تھا۔

اس معاملے کی سماعت ماجگاؤں عدالت میں جاری تھی، تاہم نتیش رانے نے اس کیس کو کسی دوسری عدالت میں منتقل کرنے کی درخواست کرتے ہوئے سیشن عدالت سے رجوع کیا تھا، جسے عدالت نے مسترد کر دیا تھا۔ اس کے بعد بھی دو سماعتوں پر عدم حاضری کے باعث عدالت نے ان کے خلاف ضمانتی وارنٹ جاری کر دیا۔ اب نتیش رانے کو عدالت میں پیش ہو کر ضمانت حاصل کرنی ہوگی۔

سیاستی اتھل پتھل کے دوران نتیش رانے نے یہ بھی بیان دیا تھا کہ سنجے راوت جلد ہی نیشنلسٹ کانگریس پارٹی میں شامل ہوں گے، اور مئی 2023 میں انہوں نے سنجے راوت کو سانپ سے بھی تشبیہ دی تھی۔ اس کے بعد سنجے راوت نے ان کے خلاف فوجداری ہتک عزت کا مقدمہ درج کیا تھا۔

سنجے راوت کی درخواست کے مطابق نتیش رانے کے اس بیان سے ان کی عوامی بدنامی ہوئی اور سیاسی سطح پر ان کی ساکھ کو نقصان پہنچا۔ اسی بنیاد پر انہوں نے عدالت سے قانونی کارروائی کی درخواست کی تھی، جس پر اب عدالت نے نتیش رانے کے خلاف وارنٹ جاری کیا ہے۔

ہندوستھان سماچار

--------------------

ہندوستان سماچار / جاوید این اے