ہدایت کار نتیش تیواری کی انتہائی متوقع فلم ’رامائن‘ کافی عرصے سے خبروں میں ہے۔ فلم کی پہلی جھلک حال ہی میں جاری کی گئی تھی، جسپرشائقین میں جوش و خروش کے ساتھ ساتھ ویژوئل افیکٹس کے حوالے سے کچھ ملا-جلا ردعمل بھی سامنے آیا تھا۔ اب فلم میں راون کا کردار ادا کرنے والے یش نے ان ردعمل پر اپنی خاموشی توڑ ی ہے۔

لاس اینجلس میں منعقد سنیما کون 2026 کے دوران، یش نے بتایا کہ فلم کے وی ایف ایکس پر بھی کام جاری ہے اور سامعین نے جو ابتدائی جھلک دیکھی ہے وہ حتمی ورژن نہیں ہے۔ انہوں نے انکشاف کیا کہ ایک بین الاقوامی وی ایف ایکس کمپنی اس پروجیکٹ میں شامل ہے اور ٹیم فوٹو-ریئلسٹک ویژوئل پر مسلسل کام کر رہی ہے۔ یش نے یقین ظاہر کیا کہ فلم کا آخری ورژن ناظرین کی توقعات پر پورا اترے گا۔

یش نے کہا کہ ”رامائن“ کو صرف ایک فلم کے طور پر نہیں بلکہ ایک عظیم سنیما تجربہ کے طور پر تیار کیا جا رہا ہے۔ ان کے مطابق، پروڈیوسر اور ٹیکنیکل ٹیم کا مقصد ہندوستانی اساطیری داستانوں کو عالمی سطح پر پیش کرنا ہے۔ انہوں نے مزید کہا کہ جب فلم پوری طرح مکمل ہو جائے گی تب شائقین کو اس کے ویژوئل افیکٹ زیادہ مو¿ثر لگیں گے۔

دو حصوں پر مشتمل اس فلم کا پہلا حصہ اس سال دیوالی پر ریلیز ہونے والا ہے۔ رنبیر کپور بھگوان رام اور سائی پلاوی ماں سیتا کے روپ میں نظر آئیں گی۔ شائقین فلم کو لے کر پہلے ہی پرجوش ہیں اور اب یش کے بیان کے ساتھ ہی اس کی ریلیز کی امیدیں بڑھ گئی ہیں۔

ہندوستھان سماچار

ہندوستان سماچار / محمد شہزاد