ہندوستان کی جدوجہدِ آزادی کی تاریخ میں 13 اپریل کا دن ایک بے حد تکلیف دہ اور فیصلہ کن واقعے کے طور پر درج ہے۔ سال 1919 میں اسی دن جلیانوالہ باغ کے قتلِ عام نے پورے ملک کو ہلا کر رکھ دیا تھا۔ پنجاب کے امرتسر میں واقع جلیانوالہ باغ میں ہزاروں ہندوستانی ایک پرامن جلسے کے لیے جمع ہوئے تھے۔ یہ جگہ گولڈن ٹیمپل (سورن مندر) کے قریب واقع ہے۔ اس وقت برطانوی حکومت نے رولٹ ایکٹ کی مخالفت میں ہونے والے جلسوں پر سختی برتنا شروع کر دی تھی۔

اسی دوران برطانوی افسر جنرل ڈائر نے بغیر کسی وارننگ کے نہتی بھیڑ پر گولیاں چلانے کا حکم دے دیا۔ تنگ راستوں سے گھرے اس باغ میں موجود لوگوں کے پاس بچنے کا کوئی راستہ نہیں تھا۔ فائرنگ شروع ہوتے ہی بھگدڑ مچ گئی اور لوگ جان بچانے کے لیے ادھر ادھر بھاگنے لگے۔ اس ہولناک حادثے میں سینکڑوں لوگ مارے گئے، جبکہ ہزاروں زخمی ہوئے۔ کئی خواتین اپنے بچوں کے ساتھ جان بچانے کے لیے باغ میں موجود کنویں میں کود گئیں۔ تنگ نکاسی کے راستوں کی وجہ سے بھگدڑ میں بھی بڑی تعداد میں لوگوں کی جان چلی گئی۔

اس قتلِ عام نے پورے ملک میں برطانوی حکومت کے خلاف غصے کو مزید بھڑکا دیا۔ یہ واقعہ ہندوستانی تحریکِ آزادی میں ایک اہم موڑ ثابت ہوا، جس نے آزادی کی لڑائی کو مزید تیز کر دیا۔ آج بھی 13 اپریل کو ملک اس المیے کو خراجِ عقیدت کے طور پر یاد کرتا ہے اور ان شہیدوں کو نمن کرتا ہے، جنہوں نے ملک کی آزادی کے لیے اپنی جانوں کی قربانی دی۔

دیگر اہم واقعات:

1699 - سکھوں کے دسویں گرو گوبند سنگھ نے خالصہ پنتھ کی بنیاد رکھی۔ ہر سال بیساکھی کا تہوار اسی دن منایا جاتا ہے۔

1940 – – معروف سیاست داں اور مصنفہ نجمہ ہپت اللہ کی پیدائش۔

1947 - ہندوستان اور پاکستان کے درمیان سفارتی تعلقات قائم ہوئے۔

1960 - فرانس نے صحرائے اعظم (سہارا ریگستان) میں ایٹمی بم کا تجربہ کیا۔ وہ یہ کامیابی حاصل کرنے والا چوتھا ملک بنا۔

1984 - ہندوستانی کرکٹ ٹیم نے شارجہ میں پاکستان کو 58 رن سے ہرا کر پہلی بار ایشیا کپ جیتا۔

1994 - نئی دہلی میں ’ایسکیپ‘ کا گولڈن جوبلی سیشن منعقد ہوا، دنیا بھر کے بچوں کے استحصال کے خلاف جدوجہد کے لیے 112 نوبل انعام یافتگان کے ذریعے ’چائلڈ رائٹ ورلڈ سائٹ‘ تنظیم کی تشکیل۔

2002 - امن کے تئیں ایل ٹی ٹی ای سربراہ وی پربھاکرن کے عزم کا ریاستہائے متحدہ امریکہ نے خیر مقدم کیا۔

2003 - ایل ٹی ٹی ای نے ٹوکیو امدادی کانفرنس کا بائیکاٹ کیا۔

2004 - انٹیگوا میں برائن لارا نے انگلینڈ کے خلاف کھیلتے ہوئے 400 رن کی تاریخی اننگز کھیلی۔

2005 - وشواناتھن آنند چوتھی بار ’عالمی شطرنج چیمپئن‘ بنے۔

2007 - ہندوستان-روس سفارتی تعلقات کے 60 سال مکمل ہوئے۔

2008 - اتر پردیش کے نگر نگم کے 18 ہزار ملازمین کے لیے 50 فیصد مہنگائی بھتے کو تنخواہ میں ضم کرنے کا فیصلہ کیا گیا۔

2008 - بہار کے وزیر اعلیٰ نتیش کمار نے اپنی کابینہ میں توسیع کی۔

2008 - چین کے لیاؤننگ صوبے کے ہولوداؤ شہر میں کوئلے کی ایک کان میں ہوئے دھماکے میں 14 کان کنوں کی موت۔

2010 - دنیا کے تقریباً 50 ممالک نے اگلے چار سالوں میں حساس ایٹمی مواد کو مکمل طور پر محفوظ بنانے کے ہدف کا عزم کیا۔

2010 - وزارتِ داخلہ کے محکمہ راج بھاشا نے کمپیوٹر پر ہندی کے استعمال کو فروغ دینے کے لیے اس سے جڑی تمام مسائل کا حل ایک جگہ دستیاب کروا دیا ہے۔

2010 - ہندوستان کے وزیر مملکت برائے داخلہ اجے ماکن نے مرکزی ہندی تربیتی ادارے کے ذریعے تیار کردہ ’ہندی لفظی وسائل‘ کے انٹرنیٹ اور کتاب دونوں ایڈیشنز کا اجرا کیا۔

2013 - پاکستان کے پشاور میں ایک بس میں دھماکے سے آٹھ لوگوں کی موت۔

2018 - 65 ویں نیشنل فلم ایوارڈز کا اعلان ہوا۔ سری دیوی بہترین اداکارہ، ونود کھنہ کو دادا صاحب پھالکے ایوارڈ۔

ہندوستھان سماچار

---------------

ہندوستان سماچار / انظر حسن