۔ یوگنڈا کا رہائشی ہے ملزم ،اس سے قبل بھی فارینرز ایکٹ کے معاملے میں ملوث رہا ہے

نئی دہلی، 12 اپریل (ہ س)۔ باہری ضلع پولیس نے نانگلوئی کے علاقے میں کارروائی کرتے ہوئے ایک غیر ملکی کو منشیات سمیت گرفتار کیا ہے ۔ مشتبہ شخص کی شناخت نیاجی عرف یانجے (43) کے طور پر ہوئی ہے جوافریقہ کے یوگنڈا کا رہنے والا ہے۔ اس کے قبضے سے 8.4 گرام ایم ڈی ایم اے (منشیات) برآمدکی گئی ہے ۔

بیرونی ضلع کے ڈپٹی کمشنر آف پولیس وکرم سنگھ نے اتوار کو بتایا کہ 11-12 اپریل کی درمیانی رات، نانگلوئی پولیس اسٹیشن کو روہتک روڈ پر لوکیش سنیما کے قریب ایک مشکوک غیر ملکی کے بارے میں اطلاع ملی۔ اطلاع کو سنجیدگی سے لیتے ہوئے پولیس ٹیم تشکیل دی گئی۔ جب ٹیم جائے وقوعہ پر پہنچی تو مشتبہ شخص نے پولیس کو دیکھ کر فرار ہونے کی کوشش کی تاہم اہلکاروں نے اسے جلد ہی پکڑ لیا۔

دوران تفتیش، ملزم کی شناخت نیاجی عرف یانجے کے نام سے ہوئی۔ تلاشی کے دوران اس کے پاس سے ایک شفاف پلاسٹک کی تھیلی برآمد ہوئی جس میں سفید، کرسٹل نما مادہ تھا۔ جائے وقوعہ پر طلب کی گئی ایف ایس ایل ٹیم نے فیلڈ ٹیسٹنگ کے دوران ایم ڈی ایم اے ڈرگس ہونے کی تصدیق کی۔ برآمد شدہ مادہ کا کل وزن 8.4 گرام تھا۔

اس سلسلے میں، پولیس نے این ڈی پی ایس ایکٹ کی دفعہ 22(بی) کے تحت ایف آئی آر نمبر 144/2026 کے تحت نانگلوئی پولیس اسٹیشن میں مقدمہ درج کر کے ملزم کو گرفتار کر لیا ہے۔ برآمد شدہ منشیات کو قانون کے مطابق ضبط کر لیا گیا ہے۔ تفتیش میں یہ بھی سامنے آیا کہ ملزم کے خلاف پہلے بھی فارینرز ایکٹ کے تحت مقدمہ درج ہے۔ پولیس اب اس بات کی تفتیش کر رہی ہے کہ ملزم نے منشیات کہاں سے حاصل کی اور اس میں اور کون ملوث ہے۔

ہندوستھا ن سماچار

ہندوستان سماچار / محمد شہزاد