کاٹھمانڈو، 07 مارچ (ہ س)۔ نمائندگان اسمبلی کے انتخابات کے لیے ووٹوں کی گنتی جاری رہنے کے درمیان نیپال کی تاریخ میں پہلی بار کسی ایک جماعت کو دو تہائی اکثریت ملنے کا امکان نظر آ رہا ہے۔

تازہ رجحانات کے مطابق راشٹریہ سوتنتر پارٹی (آر ایس پی) تیزی سے دو تہائی اکثریت کی طرف بڑھ رہی ہے۔ 165 نشستوں پر ہونے والے براہ راست انتخابات میں اس پارٹی کو 120 سے زائد نشستیں ملتی دکھائی دے رہی ہیں۔

ہفتہ کی صبح 9 بجے تک یہ پارٹی 22 نشستیں جیت چکی ہے، جبکہ 99 انتخابی حلقوں میں برتری برقرار رکھے ہوئے ہے۔ زیادہ تر نشستوں پر بڑی برتری ہونے کی وجہ سے ان علاقوں میں بھی جیت کا امکان مضبوط مانا جا رہا ہے۔

اب تک کے رجحانات کو دیکھیں تو راشٹریہ سوتنتر پارٹی براہ راست انتخابی نظام کے تحت 120 سے زیادہ نشستوں کا ہندسہ عبور کرتی ہوئی دکھائی دے رہی ہے۔ اگر اسی تناسب سے متناسب ووٹ بھی حاصل ہوتے ہیں تو پارٹی کے لیے دو تہائی اکثریت حاصل کرنا ممکن مانا جا رہا ہے۔ اگر یہ نتائج حتمی شکل اختیار کر لیتے ہیں تو نیپال کی پارلیمانی تاریخ میں پہلی بار کسی ایک پارٹی کو اتنا بڑا عوامی مینڈیٹ ملے گا۔

ہندوستھان سماچار

---------------

ہندوستان سماچار / انظر حسن