واشنگٹن/اسرائیل، 6 مارچ (ہ س): مغربی ایشیا میں بڑھتی ہوئی کشیدگی کے درمیان، انٹیلی جنس حکام نے دعویٰ کیا ہے کہ روس نے امریکی فوجی اڈوں اور فوجی پلیٹ فارمز کے بارے میں حساس معلومات ایران کے ساتھ شیئر کی ہیں، جو خطے میں جاری تنازع کو مزید پیچیدہ بنا سکتی ہیں۔
اسرائیلی خبر رساں ایجنسی آئی 24 نے امریکی میڈیا کا حوالہ دیتے ہوئے انکشاف کیا ہے کہ امریکا، اسرائیل اور ایران کے درمیان فوجی تنازع کے آغاز کے بعد سے روس نے تہران کو مشرق وسطیٰ میں امریکی فوجی سرگرمیوں کے بارے میں معلومات فراہم کی ہیں جن میں امریکی جنگی جہازوں اور فوجی طیاروں کی جگہ بھی شامل ہے۔
خبر رساں ایجنسی کے مطابق، تین انٹیلی جنس اہلکاروں کے مطابق، جنہوں نے انٹیلی جنس کی حساسیت کی وجہ سے نام ظاہر نہ کرنے کی شرط پر بات کی، یہ معلومات ایران کے ساتھ امریکی اہداف کی شناخت میں مدد کے لیے شیئر کی گئیں۔
حکام کے مطابق ہفتے کے روز تنازع شروع ہونے کے بعد سے، روس مسلسل ایران کو امریکی فوجی پلیٹ فارمز کے مقامات کی معلومات فراہم کر رہا ہے، جس میں امریکی فوجی مقامات کی تفصیلات بھی شامل ہیں جہاں سے مغربی ایشیا میں فوجی کارروائیاں کی جا رہی ہیں۔
امریکی حکام نے ابھی تک ان دعوو¿ں پر عوامی سطح پر کوئی تبصرہ نہیں کیا ہے۔
---------------
ہندوستان سماچار / عبدالسلام صدیقی
