گوہاٹی، 5 مارچ (ہ س)۔ آسام کی سیاست میں ایک اہم پیشرفت اس وقت سامنے آئی ،جب کانگریس کے تین ایم ایل اے - ششی کانت داس، بسنت داس اور کملاکش دے پورکایستھ نے جمعرات کو بھارتیہ جنتا پارٹی (بی جے پی) میں شمولیت اختیار کی۔

بی جے پی کے سینئر ترجمان دیبان دھرو جیوتی مرل نے کہا کہ راہا کے ایم ایل اے ششی کانت داس، منگلدے کے ایم ایل اے بسنت داس، اور شمالی کریم گنج کے ایم ایل اے کملاکش دے پورکایستھ کانگریس چھوڑ کر بی جے پی میں شامل ہوگئے ہیں۔ اس پیش رفت کو ریاست میں کانگریس کے لیے ایک بڑے جھٹکے کے طور پر دیکھا جا رہا ہے۔

انہوں نے کہا کہ تینوں ایم ایل ایز نے جمعرات کو باضابطہ طور پر بی جے پی میں شمولیت اختیار کی۔ اس سے ریاست میں حکمراں بی جے پی کی سیاسی پوزیشن مزید مضبوط ہونے کی امید ہے۔سیاسی تجزیہ کاروں کا خیال ہے کہ اس پیش رفت سے ریاست کے سیاسی مساوات بھی متاثر ہو سکتے ہیں۔

ہندوستھان سماچار

ہندوستان سماچار / محمد شہزاد