سلطان پور، 5 مارچ (ہ س): سلطان پور، اتر پردیش میں، سلطان پور-امیٹھی حلقہ کی نمائندگی کرنے والے بی جے پی کے ایم ایل سی شیلیندر سنگھ کو دھوکہ دینے کی کوشش کی گئی۔ تاہم ایم ایل سی کی سرگرمی کی وجہ سے دھوکہ باز اپنا مقصد حاصل کرنے میں ناکام رہے۔ دھوکہ بازوں نے ممبئی پولیس اور اے ٹی ایس کے افسر ظاہر کر کے ایم ایل سی کو دھوکہ دینے کی کوشش کی تھی۔

شیلیندر سنگھ کے مطابق انہیں ایک نامعلوم نمبر سے کال موصول ہوئی۔ کال کرنے والے نے دعویٰ کیا کہ وہ ممبئی اے ٹی ایس سے ہے اور کینرا بینک میں ایم ایل سی کے نام پر ایک فرضی اکاو¿نٹ کھولا گیا تھا، جس کا استعمال منی لانڈرنگ اور مشکوک سرگرمیوں کے لیے کیا جا رہا تھا۔

ایم ایل سی نے کہا، مجھے بتایا گیا کہ میرا بینک اکاو¿نٹ کینرا بینک میں ہے۔ میں نے جواب دیا، 'میرا لکھنو¿ اور سلطان پور سے باہر کہیں بھی اکاو¿نٹ نہیں ہے۔' انہوں نے مجھے تقریباً ڈیڑھ گھنٹے تک ویڈیو کال پر رکھا اور پھر کمرے کو اندر سے لاک کرنے کو کہا۔

ٹھگوں نے نفسیاتی دباو¿ کے تحت ایم ایل سی کے آدھار کارڈ اور بینک کی تفصیلات کا بار بار مطالبہ کیا۔ بات اس وقت خراب ہوگئی جب کمرے کا دروازہ ہلکا سا کھلا، جس سے غنڈے غصے میں آگئے اور چیخ کر بولے، کیا تم مذاق کر رہے ہو؟ دروازہ کس نے کھولا؟ کسی کو اندر نہ جانے دو۔

اس واقعہ کے بعد شیلیندر سنگھ نے سلطان پور سائبر پولیس اسٹیشن میں شکایت درج کرائی۔ پولیس اب ان نمبرز اور آئی پی ایڈریس کا سراغ لگا رہی ہے جہاں سے کالیں آئیں۔

سٹی سرکل آفیسر سوربھ سامت نے جمعرات کو بتایا کہ سلطان پور-امیٹھی کے ایم ایل سی شیلیندر پرتاپ سنگھ کی تحریرپربدمعاشوںکے خلاف مقدمہ درج کر کے تحقیقات شروع کر دی گئی ہے۔ پولیس نے سوشل میڈیا یا دوسرے پلیٹ فارمز پر گردش کرنے والی ڈیجیٹل گرفتاری کی کسی بھی خبر کی مکمل تردید کی ۔

---------------

ہندوستان سماچار / عبدالسلام صدیقی