سپول، 4 مارچ (ہ س)۔ضلع کے بلوا تھانہ علاقہ کے تحت گردھاریہ وارڈ نمبر 1 واقع پلیا کے قریب سڑک حادثے میں ایک بزرگ سائیکل سوار کی موت ہو گئی۔ بتایا جاتا ہے کہ بلوا سے آنے والی ایک تیز رفتار موٹر سائیکل نے پیچھے سے ان کی سائیکل کو ٹکر مار دی جس سے موقع پر ہی موت ہوگئی۔ متوفی کی شناخت نرملی وارڈ نمبر 13 کے رہنے والے 62 سالہ شیوان مہتا کے طور پر کی گئی ہے۔اطلاعات کے مطابق شیون مہتا کسی ضروری کام سے بلوا گئے تھے اور اپنی سائیکل پر گھر واپس آرہے تھے۔ گردھاریہ ندی کے پل کے قریب پیچھے سے ایک تیز رفتار موٹر سائیکل نے ان کی سائیکل کو ٹکر مار دی، ٹکر اتنی شدید تھی کہ وہ سڑک پر گر کر موقع پر ہی موت ہوگئی۔واقعہ کے بعدلاش تقریباً آدھے گھنٹے تک سڑک کے کنارے پڑی رہی۔ جب راہگیروں نے متوفی کو دیکھا تو انہوں نے مقامی باشندوں اور پنچایت مکھیا رام جی منڈل کو اطلاع دی۔ اطلاع ملتے ہی آس پاس کے گاؤں والے جائے وقوعہ پر پہنچ گئے اور بلوا تھانہ کو اطلاع دی۔ اطلاع ملنے پر پولیس نے لاش کو اپنی تحویل میں لے کر پوسٹ مارٹم کے لیے سپول کے صدر اسپتال بھیج دیا۔موت کی اطلاع ملتے ہی متوفی کے اہل خانہ میں صف ماتم بچھ گئی۔ ان کی بیوی ریشمی دیوی اپنے شوہر کی موت کی خبر سن کر بار بار بے ہوش ہورہی ہیں۔ ان کے بیٹے اور بیٹی سمیت اہل خانہ گہرے صدمے میں ہیں۔ جب لوگ ہولی منا رہے تھے، شیون مہتا کے گھر سوگ کی کیفیت ہے۔اس سلسلے میں بلوا تھانہ انچارج سمیت کمار نے بتایا کہ نامعلوم گاڑی کی زد میں آکر بزرگ شخص کی موت ہوگئی۔ واقعے کے بعد ڈرائیور موقع سے فرار ہوگیا۔ فی الحال اہل خانہ کی جانب سے کوئی درخواست موصول نہیں ہوئی۔ درخواست موصول ہونے پر ایف آئی آر درج کرکے مزید کارروائی کی جائے گی۔ہندوستھان سماچار

ہندوستان سماچار / Mohammad Afzal Hassan