سڑک حادثہ میں دو سگے بھائیوں کی موت

آگر مالوا، 04 مارچ (ہ س)۔ مدھیہ پردیش کے اجین-جھالاواڑ قومی شاہراہ نمبر-552 جی پر آگر مالوا ضلع میں سسنیر روڈ پر گزشتہ رات ایک سڑک درحادثہ میں دو سگے بھائیوں کی موت ہو گئی۔ اس حادثے میں ایک دوسرا نوجوان زخمی ہوا ہے۔

معلومات کے مطابق، دونوں سگے بھائی دشرتھ چوہان (24) اور پردھان چوہان (19) ساکن گرام شیام پورہ، تھانہ سسنیر، ضلع آگر مالوا کے رہنے والے تھے اور اجین میں ایک نجی دکان پر کام کرتے تھے۔ دونوں بھائی ہولی کا تہوار منانے کے لیے دیر رات اپنے گھر لوٹ رہے تھے۔ تبھی سسنیر روڈ پر کٹن کے قریب ایک تیز رفتار بے قابو بولیرو گاڑی نے ان کی بائیک کو زوردار ٹکر مار دی۔ ٹکر اتنی شدید تھی کہ دونوں بھائیوں کو شدید چوٹیں آئیں۔ انہیں فوری علاج کے لیے ضلع اسپتال لایا گیا، جہاں ڈاکٹروں نے معائنے کے بعد انہیں مردہ قرار دے دیا۔

واقعے کے بعد پولیس نے دونوں لاشوں کا ضلع اسپتال میں پوسٹ مارٹم کرایا اور قانونی کارروائی مکمل کر کے اہل خانہ کے حوالے کر دیا۔ پولیس نے بولیرو گاڑی اور اس کے ڈرائیور کو کوتوالی تھانے میں حراست میں لے لیا ہے اور معاملے کی جانچ جاری ہے۔ متوفی دشرتھ کا ایک بیٹا بھی ہے، جبکہ پردھان کی شادی نہیں ہوئی تھی۔ اس حادثے سے پورے گاوں میں سوگ کا ماحول ہے۔

ہندوستھان سماچار

---------------

ہندوستان سماچار / انظر حسن