آسنسول، 04 مارچ (ہ س)۔ہولی کے مبارک موقع پر آسنسول کے کلٹی علاقے میں ایک بار پھر کشیدہ صورتحال پیدا ہوگئی۔ کلٹی کے وارڈ نمبر 68 کے کریم دنگل کے علاقے کو بم دھماکوں، مبینہ فائرنگ اور پتھراو¿ نے ہلا کر رکھ دیا۔ اس واقعہ سے مقامی لوگوں میں خوف و ہراس پھیل گیا ہے۔

عینی شاہدین کے مطابق کچھ نوجوان مبینہ طور پر ہنگامہ برپا کر رہے تھے اور علاقے میں ایک مسجد میں توڑ پھوڑ کر رہے تھے۔ انہوں نے مبینہ طور پر مسجد کے باہر ایک کوڑے دان کو بھی نقصان پہنچایا۔ مقامی لوگوں نے احتجاج کیا تو جھگڑا بڑھ گیا۔ صورت حال تیزی سے ایک پرتشدد واقعے میں بدل گئی، بم دھماکوں، پتھراو¿ اور مبینہ فائرنگ سے علاقے میں افراتفری پھیل گئی۔ واقعہ کی اطلاع ملتے ہی کلٹی اور بڑکر تھانوں سے پولیس کی بھاری نفری جائے وقوعہ پر پہنچ گئی۔ پولیس فورس فی الحال علاقے میں تعینات ہے اور صورتحال پر نظر رکھے ہوئے ہے۔اس واقعے نے سیاسی بحث چھیڑ دی ہے، ترنمول کانگریس اور بھارتیہ جنتا پارٹی نے ایک دوسرے پر الزام لگایا ہے۔

قابل ذکر ہے کہ حال ہی میں مغربی بنگال میں خصوصی نظرثانی (ایس آئی آر) کا عمل مکمل ہوا ہے اور جلد ہی اسمبلی انتخابات کا اعلان ہونے کی امید ہے۔ ریاست میں انتخابات کے پیش نظر مرکزی فورسز کو تعینات کیا گیا ہے، جو مختلف تھانوں کے علاقوں میں پولیس کے ساتھ مشترکہ روٹ مارچ کر رہے ہیں۔ اس وقت اس قسم کے واقعے نے قبل از انتخابات حفاظتی انتظامات پر سوالات کھڑے کر دیے ہیں۔انتظامیہ نے عوام سے امن برقرار رکھنے کی اپیل کی ہے۔

ہندوستھان سماچار

ہندوستان سماچار / Mohammad Khan