ممبئی ، 26 مارچ (ہ س) ۔ مہاراشٹر کی سیاست میں ایک نئی بحث اس وقت شروع ہوئی جب بی جے پی کے ریاستی ترجمان نوناتھ بان نے جمعرات کو دعویٰ کیا کہ شیو سینا (یو بی ٹی) کے سنجے راؤت کانگریس میں شامل ہونے کی تیاری کر رہے ہیں تاکہ وہ دوبارہ راجیہ سبھا کی رکنیت حاصل کر سکیں۔انہوں نے کہا کہ راؤت کا کانگریس کی طرف جھکاؤ اس لیے بڑھ رہا ہے کیونکہ انہیں یقین ہو گیا ہے کہ اُدھو ٹھاکرے انہیں آئندہ رکن پارلیمنٹ نہیں بنائیں گے۔ ان کے مطابق راؤت پارٹی کے اندر رہتے ہوئے بھی اُدھو اور آدتیہ ٹھاکرے کے خلاف سرگرم رہے ہیں۔نوناتھ بان نے دعویٰ کیا کہ شیو سینا (یو بی ٹی) کے اندرونی اختلافات اب کھل کر سامنے آ رہے ہیں اور صورتحال ایسی بنتی جا رہی ہے جہاں ٹھاکرے اور راؤت کے درمیان اختلافات نمایاں ہو رہے ہیں۔انہوں نے ہندوتوا کے مسئلے پر بھی راؤت کو ہدف تنقید بناتے ہوئے کہا کہ جو لوگ بالاصاحب ٹھاکرے کے اصولوں سے ہٹ کر کانگریس کا ساتھ دیتے ہیں، وہ بی جے پی پر تنقید کا جواز کھو دیتے ہیں۔ انہوں نے مزید الزام لگایا کہ راؤت پارٹی کو نقصان پہنچانے میں کردار ادا کر رہے ہیں۔

ہندوستھان سماچار

--------------------

ہندوستان سماچار / جاوید این اے