مومین انصار سبھا پنجاب کے ریاستی صدر کی جانب سے عید کی مبارکبادچنڈی گڑھ،21مارچ(ہ س)۔ مومین انصار سبھا پنجاب کے ریاستی صدر رحمت انصاری نے عید الفطر کے موقع پر تمام مسلمانوں کو دلی مبارکباد پیش کرتے ہوئے کہا ہے کہ عید صرف خوشیاں منانے کا نام نہیں بلکہ یہ انسانیت، بھائی چارے اور سماجی ذمہ داریوں کو یاد کرنے کا بھی موقع ہے۔اپنے پیغام میں انہوں نے کہا کہ مسلمان عید کے دن ایک دوسرے کے ساتھ مل جل کر خوشیاں منائیں، لیکن اس کے ساتھ ساتھ اپنے غریب اور ضرورت مند بھائیوں کا بھی خاص خیال رکھیں۔ انہوں نے زور دیا کہ عید کی اصل روح اسی میں ہے کہ معاشرے کے کمزور طبقے کو بھی خوشیوں میں شریک کیا جائے۔رحمت انصاری نے مزید کہا کہ اپنے برادرانِ وطن اور پڑوسیوں کا خیال رکھنا بھی ہماری سماجی اور اخلاقی ذمہ داری ہے۔ عید کی خوشیاں صرف ایک طبقے تک محدود نہیں ہونی چاہئیں بلکہ یہ تمام انسانوں کے لیے ہونی چاہئیں، تاکہ معاشرے میں محبت، رواداری اور ہم آہنگی کو فروغ مل سکے۔انہوں نے دعا کی کہ اللہ تعالیٰ اس مبارک موقع پر سب کو خوشیاں نصیب فرمائے اور ہمارے درمیان اتحاد، بھائی چارہ اور امن قائم رکھے۔ہندوستھان سماچار

ہندوستان سماچار / Md Owais Owais