نئی دہلی، 20 مارچ (ہ س)۔ جنوبی افریقہ کی خواتین کرکٹ ٹیم اس سال دسمبر میں دفاعی ورلڈ کپ چیمپئن ہندوستان کی میزبانی کرے گی۔ اس کے بعد افریقی خواتین ٹیم کا مقابلہ آسٹریلیا سے ہوگا۔

انٹرنیشنل کرکٹ کونسل (آئی سی سی) کے مطابق، ہندوستانی خواتین کی ٹیم دسمبر میں آئی سی سی ویمنز چیمپئن شپ 2025-29 سائیکل کے حصے کے طور پر تین ون ڈے میچ کھیلنے کے لیے جنوبی افریقہ کا دورہ کرے گی۔ اس دورے میں جنوبی افریقہ کے خلاف 20 سے 23 دسمبر تک ٹیسٹ میچ بھی شامل ہے۔

ہندوستان کے خلاف سیریز کے اختتام کے بعد، جنوبی افریقہ کی خواتین ٹیم مارچ-اپریل 2027 میں آسٹریلیائی خواتین کی ٹیم کا سامنا کرنے کے لیے تیاری کرے گی۔ دونوں ٹیموں کے درمیان تین میچوں کی ٹی20 سیریز کا آغاز ہو گا، جس کے بعد تین ون ڈے کھیلے جائیں گے۔ آخر میں 8 سے 11 اپریل تک ٹیسٹ میچ کھیلا جائے گا۔

کرکٹ جنوبی افریقہ (سی ایس اے ) کے چیف ایگزیکٹیو آفیسر فولیتسی موسیکی نے کہا، ”ہمیں دنیا کی دو سرکردہ ٹیموں، ہندوستان اور آسٹریلیا کی میزبانی کرنے پر خوشی ہے۔ یہ پروٹیز خواتین کی ٹیم کے لیے ایک شاندار اور دلچسپ ہوم سیزن ہونے کا وعدہ کرتا ہے۔“

جنوبی افریقہ کی خواتین ٹیم اس وقت نیوزی لینڈ کے خلاف پانچ میچوں کی ٹی 20 انٹرنیشنل سیریز میں مصروف ہے، جو جون میں انگلینڈ اور ویلز میں ہونے والے آئندہ آئی سی سی ویمنز ٹی 20 ورلڈ کپ کی تیاریوں کا حصہ ہے۔

پروگرام-

ہندوستان کے خلاف سیریز

پہلا ون ڈے - 9 دسمبر، پوٹچیفسٹروم (جنوبی افریقہ) ،دوسرا ون ڈے - 12 دسمبر، بلوم فونٹین (جنوبی افریقہ) ،تیسرا ون ڈے - 15 دسمبر، کیپ ٹاو¿ن (جنوبی افریقہ)، 1 ٹیسٹ میچ - 20 سے 23 دسمبر، گکیبرہا (جنوبی افریقہ)

آسٹریلیا کے خلاف سیریز

پہلاٹی20 - 18 مارچ 2027، کمبرلے (جنوبی افریقہ) دوسراٹی20 - 21 مارچ 2027، بینونی (جنوبی افریقہ) تیسرا ٹی20 - 23 مارچ 2027، کوگومپو سٹی (جنوبی افریقہ) پہلا ون ڈے - 27 مارچ، 2027 افریقہ (27 مارچ، 2027) ،ون ڈے - 31 مارچ 2027، پارل (جنوبی افریقہ) تیسرا ون ڈے - 3 اپریل 2027، ڈربن (جنوبی افریقہ) ،پہلا ٹیسٹ - 8-11 اپریل، 2027، پوٹچیفسٹروم (جنوبی افریقہ)

ہندوستھان سماچار

ہندوستان سماچار / محمد شہزاد