مشرقی سنگھ بھوم، 15 مارچ (ہ س)۔ سندر نگر تھانہ علاقے کے تحت کوداد کے پاس اتوار کی دیر رات ایک سڑک حادثے میں بائیک سوار 2 نوجوانوں کی موقع پر ہی موت ہو گئی۔ حادثے کے بعد علاقے میں افراتفری مچ گئی اور مشتعل گاوں والوں نے سڑک جام کر کے احتجاجی مظاہرہ کیا۔

مرنے والوں کی شناخت ہسکو گاوں کے رہائشی 16 سالہ درگا ہیمبرم اور کیڈو گاوں کے رہائشی 15 سالہ مارشل سورین کے طور پر ہوئی ہے۔ موصولہ اطلاع کے مطابق دونوں نوجوان ہیرو ہونڈا اسپلینڈر بائیک (جے ایچ-05۔ اے بی 1234) سے کسی کام سے جا رہے تھے۔ اسی دوران کوداد کے پاس تیز رفتار سے آنے والے ایک ٹرک نے ان کی بائیک کو زوردار ٹکر مار دی۔ ٹکر اتنی شدید تھی کہ دونوں نوجوانوں نے جائے وقوعہ پر ہی دم توڑ دیا۔

حادثے کی خبر پھیلتے ہی آس پاس کے گاوں والے بڑی تعداد میں جائے وقوعہ پر پہنچ گئے۔ واقعے سے مشتعل لوگوں نے سڑک جام کر دی اور ٹرک ڈرائیور کے خلاف سخت کارروائی کا مطالبہ کرنے لگے۔ بتایا جاتا ہے کہ گاوں والوں نے ٹرک ڈرائیور کو پکڑ کر کچھ دیر کے لیے یرغمال بھی بنا لیا اور اس کی جم کر پٹائی کی۔

واقعے کی اطلاع ملتے ہی سندر نگر تھانہ پولیس موقع پر پہنچی اور گاوں والوں کو سمجھا بجھا کر صورتحال کو پرامن کرایا۔ اس کے بعد پولیس نے دونوں لاشوں کو پوسٹ مارٹم کے لیے بھیج دیا۔ وہیں ٹرک ڈرائیور کو حراست میں لے کر اس سے پوچھ گچھ کی جا رہی ہے۔

پولیس کا کہنا ہے کہ پورے معاملے کی جانچ کی جا رہی ہے۔ جانچ کے بعد مزید قانونی کارروائی کی جائے گی۔ حادثے کے بعد دونوں نوجوانوں کے اہل خانہ کا رو رو کر برا حال ہے اور گاوں میں سوگ کا ماحول ہے۔

ہندوستھان سماچار

---------------

ہندوستان سماچار / انظر حسن