علی گڑھ, 14 مارچ (ہ س)علی گڑھ مسلم یونیورسٹی کے شعبہ نباتیات کے پروفیسر ذکی انور صدیقی کو پودوں کی بیماریوں کے بایو انٹینسیو مینجمنٹ کے میدان میں ان کی نمایاں تحقیق کے اعتراف میں انڈین فائٹوپیتھولوجیکل سوسائٹی کی جانب سے اے این مکھوپادھیائے اوریشن ایوارڈ (2026) کے لیے منتخب کیا گیا ہے۔

اس کا اعلان انڈین فائٹوپیتھولوجیکل سوسائٹی کی 78ویں سالانہ جنرل باڈی میٹنگ کے دوران کیا گیا جو بدھان چندر کرشی وشوودیالیہ (بی سی کے وی)، کلیانی، مغربی بنگال میں منعقد ہوئی۔ یہ ایوارڈ سوسائٹی کی آئندہ 79ویں سالانہ میٹنگ اور قومی سمپوزیم کے موقع پر پیش کیا جائے گا، جہاں پروفیسر صدیقی اپنا خطبہ بھی پیش کریں گے۔

پروفیسر صدیقی نیشنل اکیڈمی آف ایگریکلچرل سائنسز (این اے اے ایس) کے فیلو ہیں اور پودوں کو نقصان پہنچانے والے نیماٹوڈز، فنجائی اور بیکٹیریا کے باہمی تعاملات پر اپنی تحقیق کے لئے بین الاقوامی سطح پر معروف ہیں۔ ان کی تحقیق نے فصلوں کے تحفظ کے لیے ماحولیات دوست حیاتیاتی کنٹرول حکمت عملیوں کی تیاری میں اہم کردار ادا کیا ہے۔ وہ انڈین بوٹینیکل سوسائٹی اور انڈین فائٹوپیتھولوجیکل سوسائٹی کے بھی فیلو ہیں۔

ہندوستھان سماچار

---------------

ہندوستان سماچار / سید کامران علی گڑھ