تھانے ، 14 مارچ (ہ س)۔ رائے گڑھ اینٹی کرپشن بیورو نے تھانے شہر میں بڑی کارروائی کرتے ہوئے شیڈیولڈ کاسٹ سرٹیفکیٹ ویریفکیشن کمیٹی (سی ایس سی) کی نائب ڈائریکٹر میناکشی نارائن انہالے کو رشوت لیتے ہوئے گرفتار کر لیا۔ یہ کارروائی چرائی علاقے میں واقع مہانگر ٹیلی فون نگم لمیٹڈ (ایم ٹی این ایل) عمارت میں انجام دی گئی جہاں ملزمہ اپنے دفتر میں شکایت کنندہ سے ڈھائی لاکھ روپے رشوت وصول کر رہی تھیں۔ بیورو کی ٹیم نے پنچوں کی موجودگی میں شام 4 بج کر 10 منٹ پر انہیں گرفتار کیا۔حکام کے مطابق شکایت کنندہ نے اپنی بیوی اور بیٹی کے شیڈیولڈ کاسٹ سرٹیفکیٹ کی تصدیق کے لیے 12 فروری 2026 کو سی ایس سی دفتر میں نائب ڈائریکٹر میناکشی نارائن انہالے سے رابطہ کیا تھا۔شکایت کے مطابق انہوں نے سرٹیفکیٹ کی تصدیق کے بدلے ڈھائی لاکھ روپے رشوت طلب کی تھی۔ اس شکایت کی 13 فروری 2026 کو رائے گڑھ اینٹی کرپشن بیورو نے جانچ کی اور اسے درست پایا۔اس کے بعد بیورو نے منصوبہ بندی کے تحت کارروائی کرتے ہوئے 13 مارچ 2026 کو جال بچھایا۔ جب شکایت کنندہ رقم دینے کے لیے دفتر پہنچا تو ٹیم نے انہیں ان کے ہی کیبن میں رشوت لیتے ہوئے رنگے ہاتھوں گرفتار کر لیا۔بعد ازاں رائے گڑھ اینٹی کرپشن بیورو نے شام 6 بج کر 54 منٹ پر تھانے کے نواپاڑا پولیس اسٹیشن میں اس معاملے کا مقدمہ درج کرایا۔یہ کارروائی پولیس ڈپٹی سپرنٹنڈنٹ سرتا بھونسلے کی رہنمائی میں انجام دی گئی جبکہ اس کیس کی مزید تفتیش علی باغ میں تعینات پولیس انسپکٹر نشانث دھنبڑے کر رہے ہیںہندوستھان سماچار
--------------------
ہندوستان سماچار / جاوید این اے
